பிக்பாஸ் 8 முத்துக்குமரன் வீட்டை பார்துள்ளீர்களா..?

விஜய் தொலைக்காட்சியில் ஒளிபரப்பாகும் பிக்பாஸ் ரியாலிட்டி ஷோவுக்கு தமிழ் ரசிகர்கள் மத்தியில் மிகப்பெரும் வரவேற்பு உண்டு.

முதல் சீசன் பெற்ற வெற்றியின் உந்துதலால், ஒவ்வொரு வருடமும் அடுத்தடுத்த சீசன்கள் ஒளிபரப்பப்பட்டு தற்போது வெற்றிகரமாக 8வது சீசன் முடிவடைந்துள்ளது. 

இந்த பிக்பாஸ் சீசன் 8ன் டைட்டிலை முத்துக்குமரன் வென்றார். இந்த முடிவு பிக்பாஸ் ரசிகர்கள் மத்தியில் பெரும் மகிழ்ச்சியை ஏற்படுத்தியது, மேலும் பலரும் இந்த வெற்றியைக் கொண்டாடித் தீர்த்தனர். 

பிக்பாஸ் சீசன் 8 டைட்டிலை வென்ற பிறகு, முத்துக்குமரன் தற்போது புதிய வீட்டிற்கு குடிபெயர்ந்துள்ளார். சுவாரஸ்யமாக, இது சொந்த வீடு இல்லை, வாடகை வீடுதான் என்பது குறிப்பிடத்தக்கது. 

முத்துக்குமரன் தனது புதிய வீட்டிற்கு குடிபெயர்ந்த சந்தோஷத்தை தனது ரசிகர்களுடன் பகிர்ந்து கொள்ளும் விதமாக, புதிய வீட்டின் வீடியோவை தனது யூடியூப் பக்கத்தில் வெளியிட்டுள்ளார். 

அந்த வீடியோவில் புதிய வீடு எப்படி இருக்கிறது என்பதை ரசிகர்களுக்கு காட்டியுள்ளார். பிக்பாஸ் நிகழ்ச்சி மூலம் பிரபலமான முத்துக்குமரன், தனது எளிமையான பின்னணியை எப்போதும் வெளிப்படுத்துவதில் தயக்கம் காட்டியதில்லை. 

வாடகை வீட்டில் குடியேறியதை வெளிப்படையாக அறிவித்தது மூலம், அவர் தனது எளிமையான வாழ்க்கையை தொடர்வதை ரசிகர்கள் பாராட்டி வருகின்றனர். 

மேலும், பிக்பாஸ் டைட்டில் வென்ற பிறகும் ஆடம்பரம் இல்லாமல் வாடகை வீட்டில் குடியேறி இருப்பது அவரது எளிமையை காட்டுவதாக ரசிகர்கள் கருத்து தெரிவித்து வருகின்றனர்.

முத்துக்குமரனின் இந்த வீடியோ யூடியூப் மற்றும் சமூக வலைத்தளங்களில் வைரலாக பரவி வருகிறது. பிக்பாஸ் டைட்டில் வென்ற பிறகு புதிய வாழ்க்கையை தொடங்கியிருக்கும் முத்துக்குமரனுக்கு ரசிகர்கள் தங்கள் வாழ்த்துக்களை தெரிவித்து வருகின்றனர்.