ஒரு கொலைக்கு என்ன எல்லாம் காரணம் இருக்கும்? அருண்விஜய்யின் 'சினம்' டிரைலர்
அருண் விஜய் நடித்த ’யானை’ சமீபத்தில் வெளியாகி நல்ல வரவேற்பை பெற்ற நிலையில் அவருடைய அடுத்த படமான ’சினம்’ படத்தின் டிரைலர் சற்று முன் வெளியாகி இணையதளங்களில் வைரலாகி வருகிறது.
காவல்துறை அதிகாரி கேரக்டரில் நடிக்கும் அருண் விஜய் மர்மமாக நடந்த ஒரு கொலையை விசாரணை செய்த போது கிடைக்கும் திடுக்கிடும் தகவல்கள், அதன்பின் அவர் கொலையாளியை கண்டுபிடிக்க எடுக்கும் நடவடிக்கைகள் தான் இந்த படத்தின் கதை என்பது இந்த ட்ரெய்லரில் வருகிறது.
இரண்டு நிமிட டிரைலரில் அதிரடி ஆக்ஷன் காட்சிகள், குடும்ப செண்டிமெண்ட் காட்சிகள் மற்றும் த்ரில் காட்சிகள் இருப்பதால் இந்த படம் அருண்விஜய்யின் இன்னொரு வெற்றி படமாக இருக்கும் என்று எதிர்பார்க்கப்படுகிறது.
ஜி.என்.ஆர் குமரவேலன் இயக்கத்தில் ஷபீர் இசையில் உருவாகியுள்ள இந்த படத்தில் அருண் விஜய் ஜோடியாக பாலக் லால்வானி நடித்துள்ளார். மேலும் காளி வெங்கட், ஆர்.என்.ஆர் மனோகர், வெங்கடேஷ், பாரதி உள்பட பலர் நடித்துள்ள இந்த படம் செப்டம்பர் 16ஆம் தேதி உலகம் முழுவதும் திரையரங்குகளில் ரிலீஸாகவுள்ளது என்பது குறிப்பிடதக்கது.