உனக்கு சோறு வேணுமா... சாப்பிட அமர்ந்தபோது பாதியில் விரட்டப்பட்ட விஜயகாந்!
உடல்நலக்குறைவு காரணமாக மருத்துவமனையில் அனுமதிக்கப்பட்டு வந்த கேப்டன் விஜயகாந்த் கொரோனா வைரஸ் பாதிப்பால் டிசம்பர் 28ம் தேதி உயிரிழந்தார்.
71 வயதில் கேப்டன் இறந்த செய்தி அறிந்து திரையுலக பிரபலங்களும், ரசிகர்களும் கண்ணீர் வடிக்கிறார்கள்.
விஜயகாந்தின் மரண செய்தி வெளியானதில் இருந்து சுயநலமில்லாமல் அடுத்தவர்களுக்கு உதவிய அவரின் நல்ல குணத்தை பற்றி தான் அனைவரும் பெருமையாக பேசுகிறார்கள்.
நல்ல நடிகன் என்று இல்ல நல்ல மனிதன் என பெயர் வாங்க வேண்டும் என்றார் விஜயகாந்த். அந்த பெயரை வாங்கிவிட்டார். அவர் மறைந்தாலும் அவரின் பெயர் என்றுமே நிலைத்து நிற்கும்படி செய்துவிட்டார்.
மக்கள் கொண்டாடும் விஜயகாந்த் நடிக்க வந்த புதிதில் பல அவமானங்களை சந்தித்திருக்கிறார். அவர் ஆள் கருப்பாக இருந்ததால் நிறத்தை வைத்து அவரை அசிங்கப்படுத்தியிருக்கிறார்கள்.
சில நடிகைகள் எல்லாம் விஜயகாந்துடன் சேர்ந்து நடிக்க மறுத்திருக்கிறார்கள். இந்நிலையில் தான் நடிக்க வந்த புதிதில் சாப்பிடக் கூட முடியாமல் தன்னை இழுத்துச் சென்றது பற்றி விஜயகாந்த் பேட்டி ஒன்றில் தெரிவித்த விடயம் குறித்து தற்போது மக்கள் பேச ஆரம்பித்துள்ளனர்.
முதல் படத்தின் முதல் நாள் ஷூட்டிங். திரையுலகில் புது நடிகனை யாருமே மதிக்க மாட்டாங்க. தீண்டத்தகாதவர்கள் மாதிரி தான் சாப்பாடு கொடுப்பாங்க. என் முதல் படத்திற்கு பிறகு என்னை பிறருக்கு தெரிய ஆரம்பித்தது.
அடுத்ததாக ஒரு படத்தில் நடித்தபோது ஹீரோயின் ரொம்ப பிரபலமானவர். ரொம்ப பிசியான நடிகை. அன்று காலையில் இருந்து மதிய உணவு நேரம் வரை அந்த ஹீரோயின் வரவில்லை.
எனக்கு பயங்கர பசி. பசி தாங்க முடியாமல் சாப்பிட போனேன். அந்த நேரம் ஹீரோயின் வந்துட்டாங்கனு சொல்லி என்னை சாப்பிட விடாமல் பாதியிலேயே கூட்டிட்டுப் போயிட்டாங்க. மனசு ரொம்ப வலித்தது என்றார்.
விஜயகாந்தின் அலுவலகத்திற்கு சென்றால் சாப்பாடு கிடைக்கும் என்பது அனைவருக்கும் தெரியும். யார் வேண்டுமானாலும் போய் வயிறு நிறையும் வரை சாப்பிட்டு வரலாம்.
அப்படி ஊருக்கே சோறு போட்ட மனிதரை ஒரு வேளை சாப்பாட்டை சாப்பிட முடியாமல் பாதியில் இழுத்துச் சென்றிருக்கிறார்கள். வாழ்க்கையில் பல கஷ்டங்கள், அவமானங்களை சந்தித்து தான் பெரிய இடத்திற்கு வந்தார் விஜயகாந்த்.
