சந்தானம் அடுத்த படத்தின் டைட்டிலுடன் கூடிய ஃபர்ஸ்ட்லுக் போஸ்டர்..
நடிகர் சந்தானம் நடித்துவரும் திரைப்படங்களில் ஒன்றின் டைட்டில் மற்றும் பர்ஸ்ட்லுக் போஸ்டர் வெளியாகி இணையத்தில் வைரல் ஆகி வருகிறது.
‘குலேபகாவலி’ உள்ளிட்ட படங்களை இயக்கிய கல்யாண் இயக்கத்தில் சந்தானம் நடிப்பில் உருவாகி வரும் திரைப்படத்தின் படப்பிடிப்பு கடந்த சில மாதங்களாக நடைபெற்று வந்த நிலையில் தற்போது படப்பிடிப்பு முடிந்து விட்டதாக தகவல் வெளியாகி உள்ளன.
இந்த நிலையில் இந்த படத்தின் டைட்டில் உடன் கூடிய பர்ஸ்ட் லுக் போஸ்டர் சற்றுமுன் வெளியாகி உள்ளது. இந்த படத்திற்கு ’பில்டப்’ என்ற டைட்டில் வைக்கப்பட்டுள்ளது. இந்த படத்தில் சந்தானத்துடன் ஆனந்தராஜ், முனிஷ்காந்த், தங்கதுரை, மன்சூர் அலிகான், ரெடின் கிங்ஸ்லி, மொட்ட ராஜேந்திரன் உள்ளிட்ட பலர் நடித்துள்ளனர்
ஜிப்ரான் இசையில், ஜாக்கப் ரத்னராஜ் ஒளிப்பதிவில், பரத் படத்தொகுப்பில் இந்த படம் உருவாகி உள்ளது. இந்த படத்தை ஸ்டூடியோ க்ரின் நிறுவனத்தின் ஞானவேல் ராஜா தயாரித்துள்ளார். இந்த படத்தின் அடுத்தடுத்த அப்டேட்டுகள் விரைவில் வெளியாகும் என்று எதிர்பார்க்கப்படுகிறது.
