ஸ்ரீகாந்துக்கு ஒரு நியாயம்.. விஜய் சேதுபதிக்கு ஒரு நியாயமா? இது நல்லாருக்கே... விளாசும் நெட்டிசன்ஸ்!
நடிகர் ஸ்ரீகாந்தின் கொக்கைன் போதைப் பொருள் வழக்கு கைது, தமிழ் சினிமாவில் பெரும் பரபரப்பை ஏற்படுத்தியுள்ளது. 
சென்னை நுங்கம்பாக்கம் காவல்துறையினர், முன்னாள் அதிமுக நிர்வாகி பிரசாத் மற்றும் பிரதீப் குமார் ஆகியோரின் வாக்குமூலங்களை அடிப்படையாகக் கொண்டு, ஸ்ரீகாந்துக்கு கொக்கைன் வழங்கப்பட்டதை உறுதிப்படுத்தி, அவரை கைது செய்தனர்.
ஸ்ரீகாந்த், தீங்கரை படப்பிடிப்பின்போது பிரசாத் 10 லட்சம் ரூபாய் சம்பள பாக்கிக்கு பதிலாக மூன்று முறை கொக்கைன் வழங்கியதாகவும், அதற்கு அடிமையாகி 40 முறை 4.72 லட்சம் ரூபாய்க்கு Google Pay மூலம் கொக்கைன் வாங்கியதாகவும் வாக்குமூலம் அளித்தார்.
அவரது வீட்டில் 7 வெற்று கொக்கைன் பாக்கெட்டுகளும், ஒரு கிராம் கொக்கைனும் கைப்பற்றப்பட்டன. மேலும், அவர் வீட்டில் போதைப் பொருள் பார்ட்டிகள் நடத்தியதும் தெரியவந்துள்ளது.
இந்த வழக்கில் நடிகர் கிருஷ்ணாவின் பெயரும் இணைக்கப்பட்டு, அவர் தலைமறைவாகியுள்ளதாக காவல்துறை தெரிவித்துள்ளது. இதற்கிடையே, இணையத்தில் ஒருவர், போதைப் பொருள் கடத்தல் மன்னன் ஜாஃபர் சாதிக்குடன் தொடர்பில் இருந்ததாகக் கூறப்படும் நடிகர் விஜய் சேதுபதியை ஏன் விசாரிக்கவில்லை என கேள்வி எழுப்பியுள்ளார்.
இதற்கு விஜய் சேதுபதி ரசிகர்கள் கடும் கண்டனம் தெரிவித்து, “நட்பு வைத்திருந்தால் அவர் குற்றவாளியாகிவிடுவாரா?” என வாதிடுகின்றனர். ஏற்கனவே இயக்குநர் அமீர் இந்த வழக்கில் விசாரிக்கப்பட்டவர் என்பது குறிப்பிடத்தக்கது.
ஸ்ரீகாந்தின் கைது, கோலிவுட்டில் பல திரைப் பிரபலங்கள் இந்த வழக்கில் சிக்கியிருக்கலாம் என்கிற பேச்சை உருவாக்கியுள்ளது. இரண்டு முன்னணி நடிகைகளும், நடிகர் கிருஷ்ணாவும் காவல்துறையின் கண்காணிப்பில் உள்ளதாக தகவல்கள் வெளியாகியுள்ளன.
இந்த விவகாரம் ரசிகர்கள் மத்தியில், “அடுத்து யார் பெயர் வெளிவரும்?” என்ற பதட்டத்தை ஏற்படுத்தியுள்ளது. விஜய் ஆண்டனி, “போதைப் பொருள் பயன்பாடு சினிமாவில் புதிதல்ல” எனக் கூறி, இதன் ஆழத்தை உணர்த்தியுள்ளார்.
இந்த வழக்கு, போதைப் பொருள் கடத்தல், மோசடி, நில அபகரிப்பு உள்ளிட்ட குற்றங்களுடன் இணைந்து, தமிழ் சினிமாவின் இருண்ட பக்கத்தை வெளிச்சமிட்டுள்ளது.
ஸ்ரீகாந்த், ஜூலை 7 வரை புழல் சிறையில் நீதிமன்றக் காவலில் உள்ளார், மேலும் விசாரணை தீவிரமாக நடைபெற்று வருகிறது.
