பாரம்பரிய முறைப்படி வளைகாப்பு.. முகத்தில் அம்புட்டு சந்தோஷம்: வைரலாகும் அமலா பாலின் போட்டோஸ்.!
நடிகை அமலா பாலின் வளைகாப்பு நிகழ்வு பாரம்பரிய முறைப்படி சிறப்பாக நடந்து முடிந்துள்ளது. இது தொடர்பான போட்டோஸ் தற்போது இணையத்தில் வைரலாகி வருகிறது. இதனையடுத்து ரசிகர்கள் பலரும் அமலா பாலுக்கு வாழ்த்துக்களை குவித்து வருகின்றனர்.
தென்னிந்திய சினிமாவில் பிரபலமான நடிகையாக வலம் வந்தவர் அமலா பால். கோலிவுட்டில் பல முன்னணி நடிகர்களுக்கு ஜோடியாக நடித்துள்ள இவரின் நடிப்பில், சமீபத்தில் 'ஆடு ஜீவிதம்' படம் ரிலீஸ் ஆனது. இப்படம் அமோகமான வரவேற்பினை பெற்று வருகிறது. இந்நிலையில் அமலா பால் தனது இன்ஸ்டாகிராம் பக்கத்தில் பகிர்ந்துள்ள பதிவு இணையத்தில் வைரலாகி வருகிறது.
தமிழ் சினிமாவில் தனது முதல் படமான 'சிந்து சமவெளி' துவங்கி 'ஆடை' வரை பல்வேறு சர்ச்சைகளில் சிக்கி இருந்தாலும், பல தரமான கதையம்சம் கொண்ட படங்களில் நடித்துள்ளார். விஜய், தனுஷ், விக்ரம் என கோலிவுட்டின் உச்ச நட்சத்திரங்கள் பலருக்கும் ஜோடியாக நடித்திருக்கிறார். இவர் இயக்குனர் ஏ.எல். விஜய்யை காதலித்து திருமணம் செய்து கொண்டார்.
ஏ.எல். விஜய் இயக்கத்தில் தெய்வத்திருமகள், தலைவா படங்களில் நடித்த நிலையில் அவரை காதலித்து மணந்து கொண்டார். ஆனால் இருவரும் கருத்து வேறுபாடு காரணமாக கடந்த 2017 ஆம் ஆண்டு முறையாக விவாகரத்து பெற்று பிரிந்து விட்டனர். அதனை தொடர்ந்து சினிமாவில் தனது ஆர்வத்தை திரும்பிய அமலா பால், தொடர்ச்சியாக படங்களில் கமிட்டாகி நடித்த ஆரம்பித்தார்.
இந்நிலையில் தான் கடந்த ஆண்டு நவம்பர் 3 ஆம் தேதி திடீரென தனது நீண்ட கால நண்பரான ஜெகத் தேசாய் என்பவரை திருமணம் செய்து இன்பதிர்ச்சி அளித்தார். இதனையடுத்து தான் கர்ப்பமாக இருப்பதாகவும் ரசிகர்களுக்கு குட் நியூஸ் கொடுத்தார் அமலா பால். தொடர்ந்து தனது கர்ப்ப காலத்தை சந்தோஷமாக கழிப்பதை புகைப்படங்களாக சோஷியல் மீடியாவில் பதிவேற்றி வருகிறார்.
இந்நிலையில் நடிகை அமலா பாலுக்கு வளைகாப்பு நிகழ்ச்சி சிறப்பாக நடந்து முடிந்துள்ளது. இது தொடர்பான வீடியோ ஒன்றை தனது சோஷியல் மீடியாவில் பகிர்ந்துள்ளார். அமலா பால்,ஜெகத் தேசாய் இருவரும் பாரம்பரிய முறைப்படி தங்கள் இல்ல வளைகாப்பு நிகழ்ச்சியை கோலாகலமாக நடத்தி முடிந்துள்ளனர். இது தொடர்பான போட்டோஸ் தற்போது இணையத்தில் தீயாய் பரவி வருகிறது.
இதனையடுத்து அமலா பாலுக்கு ரசிகர்களும், திரையுலக பிரபலங்களும் வாழ்த்துக்களை குவித்து வருகின்றனர். இதனிடையில் பிருத்விராஜ் ஜோடியாக அமலா பால் நடித்துள்ள 'ஆடு ஜீவிதம்' படம் சமீபத்தில் வெளியாகி அமோக வரவேற்பை பெற்று வருகிறது. இப்படத்திற்கான புரமோஷன் நிகழ்ச்சிகளில் கர்ப்பமாக இருக்கும் நிலையில் நடிகை அமலா பால் பங்கேற்றது பலருக்கும் ஆச்சரியத்தை அளித்து, பாராட்டுக்களை குவித்தது குறிப்பிடத்தக்கது.
