சிவகார்த்திகேயனின் 'சேயோன்' படத்தில் கமல்ஹாசன்! மீண்டும் விருமாண்டி அவதாரமா?

சிவகார்த்திகேயனின் 'சேயோன்' படத்தில் கமல்ஹாசன்! மீண்டும் விருமாண்டி அவதாரமா?

நடிகர் சிவகார்த்திகேயன் நடிப்பில் உருவாகி வரும் 'சேயோன்' திரைப்படம் குறித்த புதிய தகவல் ரசிகர்களிடம் பெரும் எதிர்பார்ப்பை ஏற்படுத்தியுள்ளது. இப்படத்தில் நடிகர் கமல்ஹாசன் சிறப்புத் தோற்றத்தில் நடிக்கவுள்ளதாக தகவல்கள் வெளியாகியுள்ளன.

விருமாண்டி தோற்றத்தில் கமல்ஹாசன்?

இயக்குநர் சிவகுமார் முருகேசன் இயக்கத்தில் உருவாகும் இப்படத்தை கமல்ஹாசனின் ராஜ்கமல் பிலிம்ஸ் நிறுவனம் தயாரிக்கிறது.

இந்நிலையில், இப்படத்தின் கிளைமாக்ஸ் காட்சியில் கமல்ஹாசன் சிறப்புத் தோற்றத்தில் வரவுள்ளதாகவும், 2004ஆம் ஆண்டு வெளியான தனது 'விருமாண்டி' திரைப்படத்தின் புகழ்பெற்ற தோற்றத்தில் அவர் நடிக்கலாம் என்றும் தகவல்கள் தெரிவிக்கின்றன.

இந்தத் தகவல் உண்மையானால், நீண்ட காலத்திற்குப் பிறகு விருமாண்டி தோற்றத்தில் கமல்ஹாசனை மீண்டும் திரையில் பார்க்கும் வாய்ப்பு ரசிகர்களுக்குக் கிடைக்கும். இருப்பினும், படக்குழு இதுவரை இதனை அதிகாரப்பூர்வமாக உறுதிப்படுத்தவில்லை.

சீமானும் முக்கிய கதாபாத்திரத்தில்!

இப்படத்தில் சிவகார்த்திகேயனுக்கு ஜோடியாக பாக்யஸ்ரீ போர்ஸ் நடிக்கிறார். மேலும், சீமான், ராஜ் பி ஷெட்டி, அருள்தாஸ், பால சரவணன் உள்ளிட்டோர் முக்கிய கதாபாத்திரங்களில் நடிக்கின்றனர்.

மதுரை கிராமியப் பின்னணியில் உருவாகும் இப்படத்திற்கு சந்தோஷ் நாராயணன் இசையமைக்கிறார்.

விருமாண்டி படத்துடன் தொடர்பா?

'சேயோன்' படத்தின் ஆரம்பகட்ட காட்சிகள் வெளியானபோதே, சிவகார்த்திகேயனின் தோற்றம் விருமாண்டி திரைப்படத்தை நினைவுபடுத்துவதாக ரசிகர்கள் கருத்துத் தெரிவித்திருந்தனர்.

தற்போது கமல்ஹாசனின் சிறப்புத் தோற்றம் குறித்த தகவலும் வெளியாகியுள்ளதால் படத்தின் மீதான எதிர்பார்ப்பு மேலும் அதிகரித்துள்ளது.

LATEST News

Trending News