ரூ.260 கோடி வசூல் சாதனை! 'சீன்' பட வில்லன் நஸ்லெனுக்கு பல லட்சம் மதிப்புள்ள Cartier வாட்ச் பரிசளித்த சூர்யா!

ரூ.260 கோடி வசூல் சாதனை! 'சீன்' பட வில்லன் நஸ்லெனுக்கு பல லட்சம் மதிப்புள்ள Cartier வாட்ச் பரிசளித்த சூர்யா!

நடிகர் சூர்யா நடிப்பில் வெளியாகி திரையரங்குகளில் வெற்றிகரமாக ஓடிக்கொண்டிருக்கும் 'சீன்' திரைப்படத்தின் வெற்றியைத் தொடர்ந்து, படத்தில் வில்லனாக நடித்த இளம் மலையாள நடிகர் நஸ்லெனுக்கு சூர்யா விலையுயர்ந்த கைக்கடிகாரம் ஒன்றைப் பரிசாக வழங்கியுள்ளார். இந்தச் சம்பவம் தற்போது ரசிகர்கள் மத்தியில் பேசுபொருளாகியுள்ளது.

ரூ.260 கோடியைக் கடந்த 'சீன்' வசூல்!

இயக்குநர் ஜீத்து மாதவன் இயக்கத்தில் சூர்யா, நஸ்ரியா, நஸ்லென் உள்ளிட்டோர் நடிப்பில் உருவான 'சீன்' திரைப்படம் கடந்த நவம்பர் 6ஆம் திகதி திரையரங்குகளில் வெளியானது.

வெளியான நாள் முதலே ரசிகர்களிடம் நல்ல வரவேற்பைப் பெற்று வரும் இப்படம், உலகளவில் 10 நாட்களில் ரூ.260 கோடிக்கும் அதிகமாக வசூலித்துள்ளதாக படக்குழு அறிவித்துள்ளது.

இந்த வெற்றியின் மூலம் இந்த ஆண்டில் ரூ.200 கோடிக்கும் அதிகமான வசூலைப் பெற்ற மூன்று திரைப்படங்களைக் கொடுத்த நடிகர் என்ற சாதனையையும் சூர்யா படைத்துள்ளார்.

நஸ்லெனுக்கு சூர்யா கொடுத்த விலையுயர்ந்த பரிசு!

'சீன்' திரைப்படத்தில் ஈஸ்வரன் என்ற வில்லன் கதாபாத்திரத்தில் நடித்த நஸ்லெனின் நடிப்பு ரசிகர்களிடம் பெரும் பாராட்டுகளைப் பெற்றுள்ளது.

இந்நிலையில், சமீபத்திய பேட்டி ஒன்றில் பேசிய நஸ்லென், சூர்யா தனக்கு கார்டியர் (Cartier) நிறுவனத்தின் விலையுயர்ந்த கைக்கடிகாரம் ஒன்றைப் பரிசாக வழங்கியதாக மகிழ்ச்சியுடன் தெரிவித்துள்ளார்.

தனக்கு எப்போதுமே தரமான கைக்கடிகாரம் அணிய வேண்டும், நல்ல காலணிகளைப் பயன்படுத்த வேண்டும், ஸ்டைலாக உடை அணிய வேண்டும் என்ற ஆசை இருந்ததாகவும், அந்த ஆசையை நிறைவேற்றும் வகையில் சூர்யா இந்தப் பரிசை வழங்கியதாகவும் அவர் குறிப்பிட்டுள்ளார்.

வாட்சின் விலை எவ்வளவு தெரியுமா?

சூர்யா வழங்கிய Cartier Classic கைக்கடிகாரத்தின் மதிப்பு சுமார் ரூ.4 லட்சம் முதல் ரூ.10 லட்சம் வரை இருக்கலாம் எனத் தகவல்கள் வெளியாகியுள்ளன. இருப்பினும், குறிப்பிட்ட வாட்சின் சரியான விலை அதிகாரப்பூர்வமாக உறுதிப்படுத்தப்படவில்லை.

சூர்யாவின் இந்த அன்பான செயல் ரசிகர்களை வெகுவாகக் கவர்ந்துள்ளது. திரைப்படத்தின் வெற்றியில் பங்களித்த சக நடிகர்களையும் மதித்து அவர்களுக்கு அன்பளிப்புகளை வழங்கும் சூர்யாவின் செயலைப் பலரும் பாராட்டி வருகின்றனர்.

சூர்யாவின் இந்தப் பரிசு தற்போது சமூக வலைத்தளங்களில் பேசப்படும் சினிமா செய்திகளில் ஒன்றாக மாறியுள்ளது!

LATEST News

Trending News