சந்தோஷ் நாராயணன் இசையில் சூப்பர் சிங்கர் பாடகர்.. 'அந்தகன்' பாடலின் வீடியோ..!
பிரசாந்த் நடித்த ‘அந்தகன்’ என்ற திரைப்படம் விரைவில் ரிலீஸ் ஆக இருக்கும் நிலையில் இந்த படத்தின் புரமோஷன் பணிகள் தற்போது தொடங்கப்பட்டுள்ளன. முதல் கட்டமாக இந்த படத்தின் சிங்கிள் பாடல் ஒன்று சற்றுமுன் வெளியாகி இணையதளங்களில் வைரல் ஆகி வருகிறது.
சந்தோஷ் நாராயணன் கம்போஸ் செய்த இந்த பாடலை விஜய் டிவியின் சூப்பர் சிங்கர் நிகழ்ச்சியில் போட்டியாளராக கலந்து கொண்ட ஆதிக் பாடியுள்ளார். உமாதேவி எழுதிய இந்த மெலடி பாடல் முதல் முறை கேட்கும் போதே அசத்தலாக இருப்பதாக ரசிகர்கள் கருத்து தெரிவித்து வருகின்றனர்.
பிரசாந்த், கார்த்திக், சிம்ரன், பிரியா ஆனந்த், சமுத்திரகனி, ஊர்வசி, யோகி பாபு, கேஎஸ் ரவிக்குமார், வனிதா விஜயகுமார், மனோபாலா, நடிப்பில் உருவாகிய இந்த படத்தை தியாகராஜன் இயக்கியுள்ளார். ரவி யாதவ் ஒளிப்பதிவில், சதீஸ் சூர்யா படத்தொகுப்பில் உருவாகியுள்ள இந்த படத்தை வி கிரியேஷன்ஸ் நிறுவனம் தமிழகத்தில் ரிலீவ் செய்ய உள்ளது என்பது குறிப்பிடத்தக்கது.