துணை முதல்வர் சீட் கொடுத்ததும் திமிர் வந்துருச்சு: 'இடியட்' ஸ்னிக்பிக் வீடியோ

துணைமுதல்வர் சீட் கொடுத்ததும் திமிர் வந்துருச்சு என்ற வசனம் இடம் பெற்றிருக்கும் மிர்ச்சி சிவாவின் ‘இடியட்’ திரைப்படத்தின் ஸ்னிக்பிக் வீடியோ வெளியாகி வைரலாகி வருகிறது.

மிர்ச்சி சிவா நடிப்பில் ராம்பாலா இயக்கத்தில் உருவாகியுள்ள ‘இடியட்’ திரைப்படம் வரும் ஏப்ரல் 1ஆம் தேதி வெளியாக உள்ளது. இந்த படத்தின் புரமோஷன் பணிகள் நடைபெற்று வரும் நிலையில் சற்று முன்னர் இந்த படத்தின் ஸ்னீக்பீக் வீடியோ வெளியாகி உள்ளது.

இந்த வீடியோவில் மிர்ச்சி சிவா மற்றும் ரெடின்கிங்ஸ்லி ஆகிய இருவரும் கட்சி ஆரம்பிப்பது குறித்து பேசிக் கொண்டே செல்லும்போது பேய் ஒன்று பின்னால் வருகிறது. அதனை பேய் என்று தெரியாமல் கட்சி தொண்டர் என நினைத்து அந்த பேய்க்கு துணை முதல்வர் பதவி கொடுப்பதாக மிர்ச்சி சிவா கூறுகிறார். இதனையடுத்து அந்த பேய் சீற, உடனே துணை முதல்வர் பதவி கொடுத்ததும் திமிர் வந்துருச்சு பார்த்தியா என்று மிர்ச்சி சிவா கூறும் காட்சிகளுடன் இந்த வீடியோ முடிவுக்கு வருகிறது.

மிர்ச்சி சிவா ஜோடியாக நிக்கி கல்ராணி நடித்திருக்கும் இந்த படத்தில் ஊர்வசி, அக்ஷரா கவுடா, மயில்சாமி, சிங்கமுத்து, உள்பட பலர் நடித்துள்ளனர். விக்ரம் செல்வா இசையில் உருவாகிய இந்த படம் வரும் ஏப்ரல் 1ஆம் தேதி திரையரங்குகளில் வெளியாக உள்ளது.