சிவகார்த்திகேயனின் 'டான்' திரைப்படத்தின் ரிலீஸ் தேதி இதுவா?

சிவகார்த்திகேயன் நடித்த ‘டான்’ திரைப்படத்தின் படப்பிடிப்பு முடிவடைந்து போஸ்ட் புரொடக்ஷன் பணிகள் நடைபெற்று வரும் நிலையில் இந்த படம் விரைவில் ரிலீசுக்கு தயாராகும் என்று எதிர்பார்க்கப்படுகிறது.

இந்த நிலையில் ‘டான்’ திரைப்படம் வரும் கிறிஸ்மஸ் நாளில் வெளியாகும் என்று எதிர்பார்க்கப்படும் நிலையில் இந்த படம் அடுத்த ஆண்டு பிப்ரவரி மாதம் தான் வெளியாகும் என்று கூறப்படுகிறது.

அடுத்த ஆண்டு பொங்கல் தினத்தில் அஜித்தின் ’வலிமை’ வெளியாக உள்ளது என்பதும் அதனை அடுத்து இரண்டு வார இடைவெளியில் விஷாலின் ’வீரமே வாகை சூடும்’ என்ற திரைப்படம் ஜனவரி 26ஆம் தேதி வெளியாக உள்ளது என்பது குறிப்பிடத்தக்கது.

இந்த நிலையில் பிப்ரவரி 14ஆம் தேதி காதலர் தினத்தில் சிவகார்த்திகேயனின் ‘டான்’ திரைப்படம் வெளியாக அதிக வாய்ப்பு இருப்பதாக நம்பத்தகுந்த வட்டாரங்களில் இருந்து தகவல்கள் வெளியாகியுள்ளன.

சிவகார்த்திகேயன் ஜோடியாக பிரியங்கா அருள்மோகன் நடித்துள்ள இந்த படத்தில் ஷிவாங்கி, சமுத்திரக்கனி, எஸ் ஜே சூர்யா, பாலசரவணன், சூரி உள்பட பலர் நடித்துள்ளனர். அனிருத் இசையில் உருவாகியுள்ள இந்த படத்தை சிபி சக்கரவர்த்தி இயக்கி உள்ளார் என்பதும் இந்த படத்தை லைக்கா மற்றும் சிவகார்த்திகேயன் புரோடக்சன் நிறுவனங்கள் இணைந்து தயாரித்து உள்ளன என்பதும் குறிப்பிடத்தக்கது.