'சந்திரமுகி 2' படப்பிடிப்பு எப்போது?
சூப்பர் ஸ்டார் ரஜினிகாந்த் நடிப்பில், சிவாஜி பிலிம்ஸ் தயாரிப்பில், பி வாசு இயக்கத்தில், வித்யாசாகர் இசையில் உருவான திரைப்படம் ‘சந்திரமுகி’. கடந்த 2005 ஆம் ஆண்டு வெளியான இந்த திரைப்படம் மிகப்பெரிய வெற்றிபெற்றது என்பதும் இந்த படம் சென்னையில் ஒரே திரையரங்கில் மூன்று வருடங்கள் ஓடியது என்பதும் குறிப்பிடத்தக்கது
இந்த நிலையில் ’சந்திரமுகி 2’ படத்தின் அறிவிப்பு கடந்த சில மாதங்களுக்கு முன் வெளி வந்தது என்பதும் இந்த படத்தில் ராகவா லாரன்ஸ் முக்கிய கேரக்டரில் நடிக்க இருப்பதாகவும் ரஜினிகாந்த் சிறப்பு தோற்றத்தில் நடிக்க இருப்பதாகவும், பி வாசு இந்த படத்தை இயக்க இருப்பதாகவும் செய்திகள் வெளியானது.
இந்த நிலையில் தற்போது இந்த படம் குறித்த புதிய தகவல் ஒன்று வெளிவந்துள்ளது. இந்த படத்தின் படப்பிடிப்பு வரும் 2022ஆம் ஆண்டு தொடங்க இருப்பதாகவும் சன் பிக்சர்ஸ் நிறுவனம் இந்த படத்தை தயாரிக்க இருப்பதாகவும் பி வாசு இயக்கவிருப்பதாகவும் கூறப்படுகிறது. சந்திரமுகி படத்தில் சில நிமிடங்கள் மட்டுமே வந்த வேட்டையன் என்ற கேரக்டரின் முழு வடிவம் தான் ‘சந்திரமுகி 2’ என்று கூறப்படுகிறது
