சூப்பர்ஹிட் படத்தின் ரீமேக்கில் குக் வித் கோமாளி சிவாங்கி.. பூஜையுடன் துவங்கிய படப்பிடிப்பு
சூப்பர் சிங்கர் சீசன் 7 நிகழ்ச்சியின் மூலம் ரசிகர்கள் மத்தியில் பாடகியாக பிரபலமானவர் சிவாங்கி.
இதன்பின், அதே விஜய் தொலைக்காட்சியில் ஒளிபரப்பாகி வந்த குக் வித் கோமாளி நிகழ்ச்சியில் கோமாளியாக களமிறங்கி, நம்மை சிரிக்க வைத்து வருகிறார்.
மேலும் இதற்கிடையே நடைபெற்ற சூப்பர் சிங்கர் சாம்பியன்ஸ் ஆப் சாம்பியன் நிகழ்ச்சியில் போட்டியாளராக பங்கேற்றார்.
இதுமட்மின்றி முன்னணி நட்சத்திரம் சிவகார்த்திகேயன் நடித்து வரும் டான் திரைப்படத்தில் ஒரு முக்கிய கதாபாத்திரத்திலும் நடித்து வருகிறார்.
இந்நிலையில் தற்போது தமிழில் மீண்டும் உருவாகும் காசேதான் கடவுளடா படத்தின் ரீமேக்கில் நடிக்க, சிவாங்கி ஒப்பந்தமாகி இருப்பதாக தெரியவந்துள்ளது.
இப்படத்தின் ரீமேக்கில், முன்னணி கதாபாத்திரங்களில், மிர்ச்சி சிவா, பிரியா ஆனந்த், யோகி பாபு உள்ளிட்டோர் நடிக்கின்றனர்.
இன்று போடப்பட்ட இப்படத்தின் பூஜையில், படக்குழுவினருடன் சிவாங்கியும் கலந்துகொண்டுள்ளார்.
