நின்று கொண்டே பைக் ஓட்டும் கீர்த்தி பாண்டியன்: வைரல் வீடியோ!
பிரபல நடிகர் மற்றும் தயாரிப்பாளர் அருண்பாண்டியன் மகளும், சமீபத்தில் வெளியான ’அன்பிற்கினியாள்’ படத்தில் நடித்தவருமான நடிகை கீர்த்தி பாண்டியன் நின்றுகொண்டே ராயல் என்ஃபீல்டு பைக் ஓட்டிய வீடியோ தற்போது வைரல் ஆகி வருகிறது.
சமீபகாலமாக நடிகைகள் பைக் ஓட்டும் புகைப்படங்கள் மற்றும் வீடியோக்கள் சமூக வலைதளங்களில் வைரலாகி வருகிறது என்பதை பார்த்து வருகிறோம். குறிப்பாக மாஸ்டர் நடிகை மாளவிகா மோகனன் ராயல் என்ஃபீல்டு பைக் ஓட்டிய புகைப்படங்கள் மற்றும் வீடியோக்களை பார்த்தோம்.
இந்த நிலையில் தற்போது ’அன்பிற்கினியாள்’ நடிகை கீர்த்தி பாண்டியன் ராயல் என்ஃபீல்டு பைக்கை ஓட்டும் காட்சியின் வீடியோ அவரது இன்ஸ்டாகிராம் பக்கத்தில் பதிவு செய்யப்பட்டு உள்ளது. இதில் அட்டகாசமாக ராயல் என்ஃபீல்டு பைக்கை ஓட்டும் கீர்த்தி பாண்டியன் ஒரு கட்டத்தில் நின்று கொண்டே ஓட்டுவதும், ஒரு கையை எடுத்து விட்டு ஓட்டுவதுமான காட்சிகள் அந்த வீடியோவில் உள்ளன. இந்த வீடியோவை பார்த்து ரசிகர்கள் ஆச்சரியம் அடைந்து லைக்ஸ்களை குவித்து வருகிறார்கள் என்பது குறிப்பிடத்தக்கது.
