தமிழில் வெளியாகும் மம்முட்டி படம்
மம்முட்டி நடிப்பில் கடந்த மார்ச் மாதம் வெளியான படம் ஒன். முதலில் தியேட்டரிலும் பின்னர் ஓடிடி தளத்திலும் வெளியானது. மம்முட்டி, முரளி கோபி, ஜோஜு ஜார்ஜ், சித்திக், மேத்யூ தாமஸ் உள்பட பலர் நடித்திருந்தார்கள். சந்தோஷ் விஸ்வநாத் இயக்கி இருந்தார். ஸ்ரீலட்சுமி தயாரித்திருந்தார். இதில் கேரள முதல்வர் கடக்கால் சந்திரனாக மம்முட்டி நடித்திருந்தார். அரசியல், அரசின் கொள்கைகள், நேர்மையான முதல்வர் எப்படி இருக்க வேண்டும் என்பதை காட்டும் படமாக இருந்தது.
ஸ்டாலின் முதல்வராகி இருக்கும் இந்த நேரத்தில் இந்த படத்தை அதே பெயரில், தமிழில் மொழிமாற்றம் செய்து வெளியிடுகிறார்கள். படத்தை இந்தியில் ரீமேக் செய்யும் உரிமத்தை ஸ்ரீதேவி கணவர் போனி கபூர் பெற்றுள்ளார். இந்த நிலையில் படத்தை ஜாக்குவார் ஸ்டூடியோ சார்பில் வினோத் ஜெயின் தமிழில் வெளியிடுகிறார். ஏற்கெனவே ஓடிடியில் வெளியாகி இருப்பதால் தியேட்டர் திறப்புக்கு பின் தியேட்டரில் வெளியாகும் என்று தெரிகிறது.
