தலைவி படத்தின் லேட்டஸ்ட் அப்டேட் - எதிர்பார்ப்பில் ரசிகர்கள்
ஏ.எல்.விஜய் இயக்கத்தில் மறைந்த முன்னாள் முதல்வர் ஜெயலலிதாவின் வாழ்க்கை வரலாற்றை படமாக உருவாகி வெளியாக காத்துருக்கிறது ‘தலைவி’.
இப்படத்தில் ஜெயலலிதா வேடத்தில் கங்கனா ரணாவத் நடிக்க, எம்.ஜி.ஆராக அரவிந்த் சாமி நடித்துள்ளார். இப்படத்தை கடந்தாண்டு ஜூன் 26ஆம் தேதி வெளியிட திட்டமிட்டிருந்தனர்.
கொரோனா காரணமாக இப்படத்தின் ரிலீஸ் தள்ளிபோனது. இதையடுத்து தளர்வுகள் அறிவிக்கப்பட்டு திரையரங்குகள் மீண்டும் இயங்கத் தொடங்கியதால், படம் வருகிற ஏப்ரல் 23ஆம் தேதி ரிலீசாகும் என அறிவிக்கப்பட்டது.
இதையடுத்து தற்போது மீண்டும் கொரோனா 2வது அலை காரணமாக மீண்டும் படத்தின் ரிலீஸ் தள்ளிப்போனது ரசிகர்களுக்கு வருத்தத்தை அளித்தது.
இந்நிலையில் தலைவி படத்தின் U சான்றிதழ் வழங்கப்பட்டுள்ளது. இதனை படக்குழு தற்போது அதிகாரப்பூர்வமாக அறிவித்துள்ளது.
