அரவிந்த்சாமியின் பிறந்தநாள் பரிசாக ரெண்டகம் போஸ்டர் வெளியீடு

அரவிந்த்சாமியின் பிறந்தநாள் பரிசாக ரெண்டகம் போஸ்டர் வெளியீடு

முப்பது வருடங்களுக்கு முன் தமிழ் சினிமாவில் இளம்பெண்களின் மனம் கவர்ந்த நாயகனாக அறிமுகமானவர் நடிகர் அரவிந்த்சாமி. தற்போது கடந்த சில வருடங்களாக தனது இரண்டாவது இன்னிங்ஸிலும் வெற்றிநடை போட்டு வருகிறார். தமிழிலேயே பல படங்களில் நடித்துவரும் அரவிந்த்சாமி தற்போது தமிழ், மலையாளம் என இருமொழிப்படமாக உருவாகி வரும் 'ரெண்டகம்' என்கிற படத்தில் நடித்து வருகிறார்.

மலையாளத்தில் ஓட்டு என டைட்டில் வைக்கப்பட்டுள்ள இந்தப்படத்தில் இன்னொரு கதாநாயகனாக குஞ்சாக்கோ போபன் நடிக்கிறார். இதன்மூலம் அவரும் தமிழில் முதன்முதலாக அடியெடுத்து வைக்கிறார். ஈஷா ரெப்பா கதாநாயகியாக நடிக்கும் இந்தப்படத்தை டி.பி.பெலினி என்பவர் இயக்கி வருகிறார்.

அரவிந்த்சாமியின் பிறந்தநாளை முன்னிட்டு ரெண்டகம் படக்குழுவினர் தமிழ் மற்றும் மலையாளம் என இரண்டு மொழிகளிலும் புதிய போஸ்டர் ஒன்றை வெளியிட்டுள்ளனர். நடிகர் குஞ்சாக்கோ போபனும் “நீங்கள் தான் எனது வழிகாட்டி” என குறிப்பிட்டு அரவிந்தசாமியை வாழ்த்தியுள்ளார்.

Rendagam-Poster-out-on-Aravindswamy-birthday

LATEST News

Trending News

HOT GALLERIES