சூப்பர்ஹிட் படத்தின் ரீமேக்கில் நடிக்கிறாரா சூர்யா? அது என்ன படம் தெரியுமா
தமிழ், தெலுங்கு, மலையாளம் உள்ளிட்ட திரையுலகில் நல்ல மார்க்கெட்டை வைத்திருப்பவர் நடிகர் சூர்யா.
இவர் நடிப்பில் தற்போது சூர்யா 40 திரைப்படம் உருவாகி வருகிறது. இப்படத்தை பாண்டிராஜ் இயக்கி வருகிறார்.
இப்படத்தின் படப்பிடிப்பு சுமார் 35% சதவீதம் முடிந்துள்ளது என அண்மையில் இயக்குனர் பாண்டிராஜ் அறிவித்திருந்தார்.
இந்நிலையில் நடிகர் சூர்யா விரைவில் தெலுங்கில் சூப்பர்ஹிட்டான படம் ஒன்றை தமிழில் ரீமேக் செய்து நடிக்கவிருப்பதாக தகவல் ஒன்று பரவி வருகிறது.
ஆம், நாணி மற்றும் விக்ரம் குமார் கூட்டணியில் உருவாகி மிகப்பெரிய வெற்றியை பெற்ற கேங்லீடர் படத்தின் தமிழ் ரீமேக்கில் சூர்யா நடிக்க உள்ளதாக தகவல்கள் கிசுகிசுக்கப்படுகிறது.
விக்ரம் குமார் ஏற்கனவே, சூர்யாவை வைத்து 24 எனும் வித்யாசமான படத்தை இயக்கியவர் என்பது குறிப்பிடத்தக்கது.
இது உண்மையான தகவலா, அல்லது வெறும் வதந்தி தானா என்று பொறுத்திருந்து பார்ப்போம்.
