உலகளவில் பிரபலமான ‘மனி ஹெய்ஸ்ட்’ தொடரின் 5-வது சீசன் ரிலீஸ் தேதி அறிவிப்பு
‘மனி ஹெய்ஸ்ட்’ தொடரின் 5-வது சீசன் வெளியீட்டு தேதி அறிவிக்கப்பட்டுள்ளது, ரசிகர்கள் மத்தியில் பெரும் உற்சாகத்தை ஏற்படுத்தியுள்ளது.
உலகளவில் திரைப்படங்களை தாண்டி தற்போது வெப் தொடர்களுக்கு ரசிகர்களிடையே அதிக வரவேற்பு கிடைத்து வருகிறது. குறிப்பாக ‘மனி ஹெய்ஸ்ட்’ வெப் தொடருக்கென உலகளவில் மிகப் பெரிய ரசிகர் பட்டாளமே உள்ளது. நவீன தொழில்நுட்பங்களைப் பயன்படுத்தி வங்கிகளில் கொள்ளையடிக்கும் கொள்ளையர்களை பற்றிய கதைதான் இந்த ‘மனி ஹெய்ஸ்ட்’ தொடர். இதுவரை, 4 சீசன்கள் வெளிவந்துள்ளன. ஒவ்வொரு சீசனும் தலா 8 எபிசோடுகளைக் கொண்டது.
இந்நிலையில் ‘மனி ஹெய்ஸ்ட்’ வெப் தொடரின் 5-வது சீசன் வெளியாகும் தேதி அறிவிக்கப்பட்டுள்ளது. அதன்படி 5-வது சீசன் இரண்டு பகுதிகளாக வெளியாக உள்ளது. முதல் பகுதி வருகிற செப்டம்பர் 3-ம் தேதியும், இரண்டாம் பகுதி டிசம்பர் 5-ம் தேதியும் வெளியாகும் என்று அறிவிக்கப்பட்டுள்ளது. ஏற்கனவே வெளியான 4 சீசன்களும் ரசிகர்களிடையே பெரும் வரவேற்பை பெற்ற நிலையில், 5-வது சீசனின் வெளியீட்டு தேதி அறிவிக்கப்பட்டுள்ளது, ரசிகர்கள் மத்தியில் பெரும் உற்சாகத்தை ஏற்படுத்தியுள்ளது.
