பிரபாஸ்-க்கு அனுஷ்கா வைத்த செல்லப்பெயர்.. மீண்டும் காதல் துளிர்கிறதா?
நடிகை அனுஷ்கா ஷெட்டி நடித்து வரும் ’மிஸ் ஷெட்டி மற்றும் மிஸ்டர் ’பொலிஷெட்டி’ என்ற திரைப்படத்தின் டீசர் சமீபத்தில் வெளியான வெளியான நிலையில் இந்த டீசருக்கு நடிகர் பிரபாஸ் தனது வாழ்த்துக்களை தெரிவித்து இருந்தார். அதற்கு நடிகை அனுஷ்கா, பிரபாஸ் செல்ல பெயரை வைத்து அழைத்து நன்றி தெரிவித்த பதிவு தற்போது வைரலாகி வருகிறது.
நடிகர் பிரபாஸ் மற்றும் நடிகை அனுஷ்கா ஷெட்டி ஆக இருவரும் ’பாகுபலி’ மற்றும் ’பாகுபலி 2’ திரைப்படங்களில் இணைந்து நடித்தனர் என்பதும் இந்த இரண்டு படங்களும் மிகப்பெரிய வெற்றி பெற்றது என்பது தெரிந்ததே. மேலும் இருவரும் காதலிப்பதாகவும் விரைவில் திருமணம் செய்து கொள்ளப் போவதாகவும் ஊடகங்கள் மற்றும் சமூக வலைதளங்களில் வதந்திகள் வெளியான போதிலும் இருவரும் அதை மறுத்தனர் என்பது குறிப்பிடத்தக்கது.
இந்த நிலையில் அனுஷ்கா ஷெட்டி நடித்த ’மிஸ் ஷெட்டி மற்றும் மிஸ்டர் ’பொலிஷெட்டி’ என்ற திரைப்படத்தின் டீசர் சமீபத்தில் வெளியான நிலையில் இந்த படம் வெற்றி பெற தனது வாழ்த்துக்களை பிரபாஸ் தெரிவித்தார். அதற்கு நடிகை அனுஷ்கா ’தேங்க்யூ பப்ஸ்’ என பிரபாஸ் செல்ல பெயரை அழைத்து நன்றி தெரிவித்துள்ளார்.
ஏற்கனவே பிரபாஸ் மற்றும் அனுஷ்காவுக்கு காதல் என்று வதந்தி பரவி வரும் நிலையில் தற்போது செல்ல பெயருடன் நன்றியை அனுஷ்கா தெரிவித்துள்ளதால் மீண்டும் காதல் துளிர் விடுகிறதா? என்ற கேள்வியை ரசிகர்கள் எழுப்பி வருகின்றனர். ஆனால் அனுஷ்கா மட்டுமன்றி தமன்னாவும் அவ்வப்போது பிரபாஸை பப்ஸ் என்ற செல்ல பெயரில் தான் அழைத்து வருவார் என்பது குறிப்பிடத்தக்கது.
