மீண்டும் ஹீரோவாக கவுண்டமணி.. டைட்டில் அறிவிப்பு!
தமிழ் திரையுலகின் பழம்பெரும் நகைச்சுவை நடிகர் கவுண்டமணி கடந்த சில ஆண்டுகளாக திரையுலகில் நடிக்காமல் இருந்த நிலையில் மீண்டும் ஒரு திரைப்படத்தில் நடிக்க இருக்கிறார் என்று கடந்த சில வாரங்களுக்கு முன்னால் செய்தி வெளியானது.
இந்த நிலையில் கவுண்டமணி நடிக்க இருக்கும் படத்தின் பூஜை என்று சென்னையில் நடைபெற்றுள்ளது. இதனை அடுத்து அவரது படம் உறுதி செய்யப்பட்டுள்ளது. கவுண்டமணி கதாநாயகனாக நடிக்கும் இந்த படத்தின் டைட்டில் ’பழனிச்சாமி வாத்தியார்’ என அறிவிக்கப்பட்டுள்ளது.
வேலம்மாள் சினி கிரியேஷன்ஸ் நிறுவனத்தின் சார்பில் மதுரை செல்வம் இந்த படத்தை பிரமாண்டமாக தயாரிக்கிறார். கவுண்டமணி கதாநாயகனாக நடிக்கும் இந்த படத்தில் யோகி பாபு, கஞ்சா கருப்பு உட்பட பலர் நடிக்க உள்ளனர்.
இந்த படத்தின் பூஜை இன்று நடைபெற்றதை அடுத்து விரைவில் படப்பிடிப்பு தொடங்கும் என்று எதிர்பார்க்கப்படுகிறது. கவுண்டமணி இந்த திரைப்படத்தில் ஓய்வு பெற்ற உடற்கல்வி ஆசிரியராக நடிக்க இருப்பதாகவும் முழுக்க முழுக்க காமெடி படமாக இந்த படம் உருவாக இருப்பதாகவும் கூறப்படுகிறது.
