கணவருக்கு முத்தம், கடல் தண்ணீரில் நனையும் மகனின் கால்: காஜல் அகர்வாலின் வைரல் வீடியோ
நடிகை காஜல் அகர்வாலுக்கு சமீபத்தில் குழந்தை பிறந்த நிலையில் தற்போது முதல் முறையாக தனது குழந்தையை கோவாவிற்கு அவர் அழைத்துச் சென்றுள்ளார். குடும்பத்துடன் சுற்றுலா சென்றுள்ள காஜல் அகர்வாலின் குடும்பத்தினர் ஜாலியாக இருந்த வீடியோ அவரது இன்ஸ்டாகிராம் பக்கத்தில் வெளியாகியுள்ள நிலையில் இந்த வீடியோவுக்கு லைக்ஸ் குவிந்து வருகிறது
காஜல் அகர்வால் தனது கணவருக்கு ஆசையாய் கொடுக்கும் முத்தம், விதவிதமான சாப்பாடு, தேநீர் குடிப்பது, மகனை முதல் முதலாக கடல் அலையில் கால் நனைக்க வைப்பது உட்பட பல க்யூட் காட்சிகள் இந்த வீடியோவில் உள்ளன.
இந்த வீடியோ பதிவு செய்து சில மணி நேரங்களே ஆகியுள்ள நிலையில் இரண்டு லட்சத்துக்கும் அதிகமான லைக்ஸ் கிடைத்துள்ளது என்பதும் ஏராளமான கமெண்ட்ஸ் குவிந்து வருகிறது என்பதும் குறிப்பிடத்தக்கது.
ஏற்கனவே திருமணம் தேனிலவு முதல் பல்வேறு வீடியோக்களை காஜல் அகர்வால் தனது இன்ஸ்டாகிராமில் வெளியிட்ட நிலையில் தற்போது முதல் முறையாக மகனுடன் கோவா சுற்றுலா சென்ற வீடியோவை வெளியிட்டுள்ளார். இந்த வீடியோவை அவரது ரசிகர்கள் வைரலாக்கி வருகின்றனர்.
