20 வருடங்களுக்கு பின் அஜித்துடன் மீண்டும் இணையும் நடிகர்: 'தல' என பெயர் வைத்தவர் இவர்தான்!
நடிகர் அஜீத்துக்கு 'தல’ என்று பெயர் வைத்த நடிகர், அஜித் படத்தில் 20 வருடங்களுக்குப்பின் நடிக்க இருப்பதாக தகவல்கள் வெளியாகியுள்ளன
இயக்குனர் ஏஆர் முருகதாஸ் இயக்கிய முதல் படமான ’தீனா’ என்ற திரைப்படம் மிகப் பெரிய வெற்றி படங்களில் ஒன்று என்பது தெரிந்ததே. இந்த படத்தில் அஜித்துடன் நடித்தவர் மகாநதி சங்கர். இவர்தான் அஜித்தை முதன்முதலில் தல என்று அழைத்தவர் என்பதும், அதன் பிறகுதான் அஜித்தை அவரது ரசிகர்கள் தல என்று அழைக்க ஆரம்பித்தனர் என்பது குறிப்பிடத்தக்கது
இந்த நிலையில் தற்போது எச் வினோத் இயக்கத்தில் அஜீத் நடித்து வரும் ’ஏகே 61’ படத்தில் முக்கிய கேரக்டரில் மகாநதி சங்கர் நடிக்க இருப்பதாக தகவல் வெளியாகியுள்ளது. 20 வருடங்களுக்குப்பின் மீண்டும் அஜித்துடன் நடிப்பதை அடுத்து அவர் தனது மகிழ்ச்சியை வெளிப்படுத்தியுள்ளார்
அஜித் ஜோடியாக மஞ்சுவாரியர் நடிக்கும் இந்த படத்தில் வீரா உள்பட பலர் நடித்து வருகின்றனர் என்பதும், இந்த படத்தின் படப்பிடிப்பு 30 சதவீதம் முடிந்து விட்டதாகவும் கூறப்படுகிறது.
