'தளபதி 66' படத்தில் இணைந்த பிரபல நடிகர்: நாயகி ராஷ்மிகா அப்பா கேரக்டரா?

'தளபதி 66' படத்தில் இணைந்த பிரபல நடிகர்: நாயகி ராஷ்மிகா அப்பா கேரக்டரா?

தளபதி விஜய் நடித்து வரும் 'தளபதி 66’ திரைப்படத்தில் ஏற்கனவே சரத்குமார், ஷாம், ராஷ்மிகா மந்தனா ஆகியோர் நடிக்க இருப்பது உறுதி செய்துள்ள நிலையில் தற்போது மேலும் ஒரு பிரபல நடிகர் நடிக்க இருப்பதாக அதிகாரப்பூர்வமாக அறிவிக்கப்பட்டுள்ளது.

தளபதி விஜய் நடிப்பில், இயக்குனர் வம்சி இயக்கத்தில், தில்ராஜூ தயாரிப்பில், தமன் இசையில் உருவாகி வரும் திரைப்படம் ’தளபதி 66’. இந்த படத்தின் படப்பிடிப்பு தற்போது ஐதராபாத்தில் விறுவிறுப்பாக நடைபெற்று வருகிறது என்பது தெரிந்ததே.

இந்த நிலையில் இந்த படத்தில் விஜய்யின் தந்தையாக சரத்குமார், சகோதரராக ஷாம், ஜோடியாக ராஷ்மிகா மந்தனா நடித்து வருகின்றனர் என்பது தெரிந்ததே. இந்த நிலையில் இளையதிலகம் பிரபு இந்த படத்தில் இணைந்து உள்ளதாக படக்குழுவினர் அதிகாரப்பூர்வமாக அறிவித்துள்ளனர். இவர் அனேகமாக நாயகி ராஷ்மிகா மந்தனாவின் அப்பா கேரக்டரில் நடிக்க வாய்ப்பு இருப்பதாக கூறப்படுகிறது.

நடிகர் பிரபு இந்த படத்தில் இணைந்து இருப்பதை அடுத்து அவருக்கு வாழ்த்துக்கள் குவிந்து வருகிறது. நடிகர் பிரபு ஏற்கனவே விஜய்யுடன் ’புலி’ என்ற திரைப்படத்தில் நடித்துள்ளார் என்பது குறிப்பிடத்தக்கது.

LATEST News

Trending News

HOT GALLERIES