'குக் வித் கோமாளி' பிரபலத்தின் திரைப்படத்தை அறிமுகம் செய்து வைக்கும் சிம்பு!
விஜய் டிவியில் ஒளிபரப்பாகி வரும் ’குக் வித் கோமாளி’ என்ற நிகழ்ச்சி ரசிகர்கள் மத்தியில் மிகப்பெரிய வரவேற்பை பெற்றுள்ளது என்பதும் தற்போது 3வது சீசன் விறுவிறுப்பாக ஒளிபரப்பாகி வருகிறது என்பதும் தெரிந்ததே
இந்த நிகழ்ச்சியில் கலந்து கொண்ட குக்’குகள் மற்றும் கோமாளிகள் ஒருசிலர் திரையுலகில் அறிமுகமாகி ஜொலித்து வருகிறார்கள் என்பதும் குறிப்பாக அஸ்வின், புகழ், ஷிவாங்கி, தர்ஷா குப்தா, பவித்ரா ஆகியோர் தற்போது திரையுலகில் பிஸியாக உள்ளனர் என்பதும் குறிப்பிடத்தக்கது.
இந்த நிலையில் ’குக் வித் கோமாளி’ நிகழ்ச்சியில் கலந்து கொண்ட ’குக்’களில் ஒருவர் ரித்திகா. இவர் ஏற்கனவே ‘ராஜா ராணி’, ‘திருமகள்’, ‘பாக்யலட்சுமி’ உள்பட பல தொலைக்காட்சி தொடர்களில் நடித்து உள்ள நிலையில் தற்போது ‘வாழு வாழவிடு’ என்ற திரைப்படத்தில் அறிமுகமாகிறார்
‘சிக்சர்’ என்ற படத்தை இயக்குனர் சாச்சி இயக்கி வரும் இந்த படத்தில் தான் முக்கிய கேரக்டரில் நடித்திருப்பதாக ரித்திகா தனது சமூக வலைத்தளத்தில் தெரிவித்துள்ளார். மேலும் இந்த படத்தின் ஃபர்ஸ்ட் லுக் போஸ்டரை இன்று மாலை 5 மணிக்கு நடிகர் சிம்பு வெளியிட உள்ளதாகவும் ரித்திகா தெரிவித்துள்ளார்.
