'நானே வருவேன்' படத்தின் நாயகியாகும் வெளிநாட்டு நடிகை!
தனுஷ் நடித்து வரும் ’நானே வருவேன்’ படத்தின் படப்பிடிப்பு விறுவிறுப்பாக நடைபெற்று வருகிறது என்பதும் செல்வராகவன் இயக்கத்தில் யுவன் சங்கர் ராஜா இசையில் உருவாகி வரும் இந்த படத்திற்கு மிகப்பெரிய எதிர்பார்ப்பு ஏற்பட்டுள்ளது என்பது குறிப்பிடத்தக்கது.
இந்த நிலையில் இந்த படத்தின் படப்பிடிப்பு கிட்டத்தட்ட நிறைவடையும் நிலையில் இந்த படத்தில் சுவிஸ் நாட்டு நடிகை எல்லி அவ்ரம் என்பவர் தனுசுக்கு ஜோடியாக நடிக்க இருப்பதாக தகவல் உறுதி செய்யப்பட்ட தகவல் வெளிவந்துள்ளது. இந்த தகவலை நடிகை எல்லி அவ்ரம்தனது சமூக வலைத்தளத்தில் உறுதி செய்துள்ளார்.
இந்த படத்தில் தனுஷ் இரட்டை வேடங்களில் நடித்து வரும் நிலையில் எல்லி அவ்ரம் ஒரு வேடத்திற்கு ஜோடியாக நடித்து வருவதாகவும் இன்னொரு வேடத்தில் முன்னணி நடிகை ஒருவர் நடித்து வருவதாகவும் கூறப்படுகிறது.
நடிகை காஜல் அகர்வால் நடித்த ’பாரிஸ் பாரிஸ்’ என்ற திரைப்படத்தில் எல்லி அவ்ரம் நடித்துள்ளார் என்பதும் இந்த படம் இன்னும் வெளிவரவில்லை என்பதும், மேலும் இவர் ஒரு சில தெலுங்கு இந்தி மற்றும் கன்னட படங்களில் நடித்துள்ளார் என்பதும் குறிப்பிடத்தக்கது.
