பிக்பாஸ் தமிழ் சீசன் 5ல் இவரா?
பிக்பாஸ் தமிழ் சீசன் 5 நிகழ்ச்சி விரைவில் தொடங்க உள்ள நிலையில் இந்த நிகழ்ச்சியில் கலந்துகொள்ளும் போட்டியாளர்கள் குறித்த தகவல்கள் கசிந்து வருவதை அவ்வப்போது பார்த்து வருகிறோம்.
தற்போதுவரை ஷகிலாவின் மகள் மிளா, இமான் அண்ணாச்சி, ஜிபி முத்து, பிரியங்கா, கனி உள்பட ஒருசிலர் உறுதியாகி உள்ளதாக தகவல்கள் வெளிவந்துள்ளது. இந்த நிலையில் தற்போது டிக்டாக் மூலம் புகழ்பெற்ற மலேசியாவை சேர்ந்த நதியா சங் என்பவர் பிக் பாஸ் நிகழ்ச்சியில் கலந்து கொள்ளப் போவதாக தகவல்கள் வெளிவந்துள்ளன. ஏற்கனவே டிக் டாக் மூலம் பிரபலமடைந்த ஜிபி முத்து பிக்பாஸ் நிகழ்ச்சியில் கலந்துகொள்ள இருக்கிறார் என்று கூறப்படும் நிலையில் நதியா சங் அவர்களும் கலந்து கொள்ள உள்ளதாக கூறப்படுகிறது.
இந்த நிலையில் இந்த முறை பிக் பாஸ் நிகழ்ச்சிக்கு கடும் சவாலாக விறுவிறுப்பாக சென்று கொண்டிருக்கும் சர்வைவர் நிகழ்ச்சி என்பதும் அதே போல் இன்று முதல் ஆரம்பிக்கும் ஐபிஎல் போட்டிகளும் பிக்பாஸ் நிகழ்ச்சிக்கு பெரும் சவாலாக இருக்கும் என்றும் கூறப்படுகிறது. எனவே இந்த முறை வித்தியாசமான போட்டியாளர்கள், கடுமையான டாஸ்க் என ரசிகர்களை கவரும் முயற்சியில் பிக்பாஸ் குழுவினர் ஈடுபட்டுள்ளனர் என தகவல்கள் வெளிவந்துள்ளன.
