பட்டியலின மக்களை அவதூறாக பேசிய வழக்கு.....! நடிகை மீரா மிதுன் அதிரடி கைது....!
பிக்பாஸ் நிகழ்ச்சி மூலம் சர்ச்சைகளில் பிரபலமான நடிகை தான் மீரா மிதுன். பிரபலமாவதற்காக முன்னணி நடிகர்கள் குறித்து அவதூறாக பேசி இணையவாசிகளிடம் வாங்கிக்கட்டிக்கொண்டார். திரைத்துறை பிரபலங்கள், ஊடகங்கள் மற்றும் சமூகவலைத்தளங்களில் மீராவிற்கு கடும் கண்டனம் தெரிவித்து வந்தனர்.
இந்தநிலையில் அண்மையில் "குறிப்பிட்ட சமூகத்தை சார்ந்த இயக்குனர்கள் மற்றும் நடிகர்கள் தன் முகத்தை காப்பி அடித்து பயன்படுத்துவதாகவும், அவர்களை சினிமாவை விட்டே துரத்த வேண்டும் என்றும் குற்றம் சாட்டிய மீரா, சாதி குறித்து இழிவாக பேசியிருந்தாள். இந்த வீடியோ சமூகவலைத்தளங்களில் வைரலாக, சமூக ஆர்வலர்கள், நெட்டிசன்கள் உட்பட பலரும் கண்டனம் தெரிவித்து இருந்தனர். இதன் அடிப்படையில் பட்டியலின மக்களை அவதூறாக பேசிய குற்றத்திற்காக மீராமீதுன் மீது, போலீசார் 7 பிரிவுகளின் கீழ் வழக்குப்பதிவு செய்திருந்தனர்.
இதையடுத்து சென்னை சைபர் கிரைம் காவல்துறையினர், தாழ்த்தப்பட்ட சாதியினருக்கு எதிராக அவதூறாக பேசிய வழக்கில், மீரா மிதுனை கேராளாவில் வைத்து இன்று கைது செய்தனர்.
