மாநாடு படத்தை தொடர்ந்து வெங்கட் பிரபு இயக்கும் புதிய படம்- அவரே வெளியிட்ட விவரம்
தமிழ் சினிமாவின் ஒரு ஜாலியான இயக்குனர் என்றால் வெங்கட் பிரபு தான். எப்போதும் கலகலப்பாக காணப்படும் வெங்கட் பிரபு தனது படங்களையும் ஜாலியாகவே எடுப்பார்.
அவரது சென்னை 28 படத்தை அடித்துக் கொள்ள இப்போது கூட வேறு எந்த படமும் இல்லை. அந்த அளவிற்கு இப்படம் ரசிகர்களிடம் பெரிய வரவேற்பை பெற்றது.
ரசிகர்கள் எதிர்ப்பார்த்தது போல் வெங்கட் பிரபு-சிம்புவுடன் இணைந்து மாநாடு என்கிற படத்தை எடுத்துவிட்டார். படத்திற்கான போஸ்ட் புரொடக்ஷன் வேலைகள் நடந்து வருகின்றன.
கொரோனா பிரச்சனைகள் முடிந்தால் படம் திரையரங்குகளில் வெளியாகி செம மாஸ் காட்டும் என்கின்றனர்.
தற்போது வெங்கட் பிரபு தனது அடுத்த பட விவரத்தை வெளியிட்டுள்ளார். அவர் அடுத்து ராக்போர்ட் என்டர்டெயின்மென்ட் மற்றும் பிளாக் டிக்கெட் கம்பெனி சார்பில் ஒரு புதிய படம் இயக்க இருக்கிறாராம்.
