நடிகரும், அரசியல்வாதியுமான விஜயகாந்த் திடீர் மருத்துவமனையில் அனுமதி- ரசிகர்கள் அதிர்ச்சி
தமிழ் சினிமாவில் மிகவும் கொண்டாடப்பட வேண்டிய நடிகர்களில் ஒருவர் விஜயகாந்த். சினிமாவிற்காக இவர் செய்த விஷயங்களை இதுவரை எந்த நடிகரும் செய்யவில்லை என்றே கூறலாம்,
சினிமாவில் சாதித்ததை போல அரசியலிலும் மக்களின் மனதை கவர்ந்தார். பெரிய அரசியல்வாதியாக வலம் வருவார் என்று பார்த்தால் உடல் நலக் குறைவால் அவர் எதிலும் இறங்குவதில்லை.
கடந்த வருடம் கொரோனா நோயால் பாதிக்கப்பட்டு குணமடைந்த விஜயகாந்திற்கு இன்று அதிகாலை திடீரென மூச்சுத்திணறல் ஏற்பட்டுள்ளது.
உடனே அவரை அவரது குடும்பத்தார் மருத்துவமனையில் அனுமதித்துள்ளனர். தீவிர சிகிச்சை பிரிவில் அவர் இருப்பதாக கூறப்படுகிறது.
அவரது கட்சி சார்பில் வந்த அறிக்கையில் வழக்கமான சிகிச்சைக்காக தான் அவர் மருத்துவமனையில் அனுமதிக்கப்பட்டுள்ளதாகவும், இரண்டு மூன்று நாட்களில் வீடு திரும்புவார் என்று கூறியுள்ளனர்.
