அஸ்வின் இடத்தை பிடித்த காளிதாஸ்
குக் வித் கோமாளி என்ற நிகழ்ச்சி மூலம் மிகவும் பிரபலமான நடிகர் அஸ்வின் இடத்தை காளிதாஸ் ஜெயராம் தற்போது பிடித்து இருக்கிறார்.
உதயநிதி ஸ்டாலினின் மனைவி கிருத்திகா உதயநிதி கடந்த 2013ஆம் ஆண்டு ’வணக்கம் சென்னை’ என்ற திரைப்படத்தை இயக்கினார். இதனை அடுத்து அவர் விஜய் ஆண்டனி நடித்த ’காளி’ என்ற திரைப்படத்தை இயக்கினார்.
தற்போது அவர் இயக்க உள்ள மூன்றாவது படம் குறித்த தகவல்கள் வெளிவந்து கொண்டிருக்கின்றன. இந்த படத்தின் ஆரம்ப கட்ட பணிகள் தொடங்கி விட்டதாகவும் விரைவில் இந்த படத்தின் படப்பிடிப்பு தொடங்க உள்ளதாகவும் கூறப்படுகிறது.
இந்த படத்தில் ’குக் வித் கோமாளி’ அஸ்வின் நடிக்கவிருப்பதாக கூறப்பட்டது. ஆனால் அது முழுக்க முழுக்க வதந்தி என்றும் இந்த படத்தில் நாயகனாக காளிதாஸ் ஜெயராம் நாயகனாக நடிக்க இருப்பதாகவும் தற்போது தகவல்கள் வெளிவந்து கொண்டிருக்கின்றன. இது குறித்த அதிகாரப்பூர்வ அறிவிப்பு விரைவில் வெளிவரும் என்று எதிர்பார்க்கப்படுகிறது.
