ஜாம்பி கூட்டத்துடன் சந்தானத்தின் அதிரடி ஆட்டம்! 'லவ் பைட்' படத்தின் ஃபர்ஸ்ட் லுக் வெளியானது!
தமிழ் சினிமாவில் நகைச்சுவை நடிகராக அறிமுகமாகி, தற்போது கதாநாயகனாக கலக்கி வரும் நடிகர் சந்தானம் நடிப்பில் உருவாகியுள்ள 'லவ் பைட்' (Love Bite) திரைப்படத்தின் ஃபர்ஸ்ட் லுக் போஸ்டர் வெளியாகி ரசிகர்களின் கவனத்தை ஈர்த்துள்ளது.
ஜாம்பி கதைக்களத்தில் புதிய முயற்சி!
அறிமுக இயக்குநர் செல்வின் ராஜ் சேவியர் எழுதி இயக்கும் இப்படத்தை ஏஜிஎஸ் என்டர்டெயின்மென்ட் நிறுவனம் சார்பில் அர்ச்சனா கல்பாத்தி தயாரித்துள்ளார்.
ஜாம்பி கதையை மையமாகக் கொண்டு திகில் மற்றும் நகைச்சுவை கலந்த திரைப்படமாக இப்படம் உருவாகியுள்ளது.
இதில் சந்தானத்திற்கு ஜோடியாக அபர்ணா தாஸ் நடித்துள்ளார். மேலும், ஆனந்தராஜ், விடிவி கணேஷ், மொட்டை ராஜேந்திரன், ரெடின் கிங்ஸ்லி, முத்துக்குமார், நிரோஷா உள்ளிட்ட பலரும் முக்கிய கதாபாத்திரங்களில் நடித்துள்ளனர்.
டிசம்பர் 18ஆம் திகதி வெளியீடு!
கடந்த மே மாதம் படப்பிடிப்பு தொடங்கிய நிலையில், அண்மையில் முழுமையாக நிறைவடைந்தது. தற்போது இறுதிக்கட்டப் பணிகள் நடைபெற்று வருகின்றன.
இந்த நிலையில், நவம்பர் 7ஆம் திகதி இப்படத்தின் ஃபர்ஸ்ட் லுக் போஸ்டரை நடிகர் சந்தானம் தனது சமூக வலைத்தளப் பக்கத்தில் வெளியிட்டார்.
மேலும், இப்படம் எதிர்வரும் டிசம்பர் 18ஆம் திகதி திரையரங்குகளில் வெளியாகவுள்ளதாக படக்குழு அறிவித்துள்ளது.
சந்தானத்தின் வழக்கமான நகைச்சுவையுடன் ஜாம்பி கதைக்களமும் இணைந்துள்ளதால், இப்படத்தின் டீசர் மற்றும் டிரெய்லருக்காக ரசிகர்கள் ஆவலுடன் காத்திருக்கின்றனர்.
பயமா? சிரிப்பா? இரண்டையும் ஒரே படத்தில் கொடுக்க வருகிறார் சந்தானம்!
