தளபதி விஜய்க்காக காத்திருக்கும் இயக்குனர் வெற்றிமாறன், தளபதி 66 இந்த கூட்டணி தானா?
தளபதி விஜய் தமிழ் சினிமாவின் உச்ச நட்சத்திரமாக விளங்குபவர், இவரின் திரைப்படங்கள் தொடர்ந்து மிக பெரிய வசூல் சாதனை படைத்து வருகிறது.
அந்த வகையில் இவர் நடிப்பில் கடந்த ஜனவரி மாதம் வெளியான மாஸ்டர் திரைப்படம் ரூ.250 கோடிக்கும் மேல் வசூல் செய்து சாதனை படைத்தது.
அதனை தொடர்ந்து தளபதி விஜய் தற்போது இயக்குனர் நெல்சன் திலீப்குமார் இயக்கத்தில் தளபதி 65 படத்தில் நடிக்கவுள்ளார். இப்படத்தின் மீதான எதிர்பார்ப்பு இப்போதே மிக அதிகமாக உள்ளது.
இந்நிலையில் தமிழ் சினிமாவின் மிக முக்கிய இயக்குனரான வெற்றிமாறன் அளித்த சமீபத்திய பேட்டியில் தளபதி விஜய்யுடன் இணைவது குறித்து பேசியுள்ளார்.
ஆம், தற்போது சூரி, விஜய் சேதுபதி நடிக்கும் படத்தை இயக்கி வருவதாகவும். இப்படத்தை முடித்துவிட்டு RS Infotainment க்கு ஒரு படம், மேலும் சூர்யாவின் வாடிவாசல் என மூன்று திரைப்படங்களை முடிக்கவுள்ளதாக கூறியுள்ளார்.
அதுமட்டுமின்றி இப்படங்களை முடித்துவிட்டு தளபதி விஜய்க்காக காத்திருக்க போவதாக கூறியுள்ளார். மேலும் அசுரன் படத்தை முடித்துவிட்டு தளபதியை சந்தித்தாகவும் அப்போது தான் இது குறித்து பேசியதாகவும் கூறினார்.
