மோசமான கேள்வி எழுப்பிய ரசிகர்.. யாரும் எதிர்பார்க்காத பதிலை கொடுத்த மாளவிகா மோகனன்!
மலையாள திரையுலகில் ‘பட்டம் போலே’ படத்தின் மூலம் அறிமுகமாகி, தமிழில் விஜய்யுடன் ‘மாஸ்டர்’ படத்தில் நடித்து புகழ் பெற்ற நடிகை மாளவிகா மோகனன், தற்போது தென்னிந்திய சினிமாவின் முன்னணி நடிகைகளில் ஒருவராக வலம் வருகிறார்.
தமிழில் கார்த்தியுடன் ‘சர்தார் 2’, தெலுங்கில் பிரபாஸுடன் ‘தி ராஜாசாப்’, மலையாளத்தில் மோகன்லாலுடன் ‘ஹிருதயபூர்வம்’ ஆகிய படங்களில் நடித்து வரும் அவர், சமூக வலைதளங்களில் கிளாமர் புகைப்படங்களை பதிவிட்டு ரசிகர்களை கவர்ந்து வருகிறார்.
இந்நிலையில், நேற்று #AskMalavika என்ற ஹேஷ்டேக் மூலம் ரசிகர்களின் கேள்விகளுக்கு சுவாரசியமாகவும், சில சமயங்களில் காட்டமாகவும் பதிலளித்தார்.
ரசிகர் ஒருவர், “‘தி ராஜாசாப்’ படப்பிடிப்பு தளத்தில் உங்களுக்கு பிடித்த தருணம் எது?” என்று கேட்டபோது, மாளவிகா கூறியதாவது: “நான் ‘தி ராஜாசாப்’ டீசர் வெளியான உற்சாகத்தில் இருக்கிறேன். படப்பிடிப்பு தளத்தில் பிரபாஸை முதன்முதலில் சந்தித்தது எனக்கு மறக்க முடியாத தருணம்.
வேறொரு படப்பிடிப்பில் இருந்து தூங்காமல், சோர்வுடன் ஹைதராபாத் சென்றிருந்தேன். ஆனால், பிரபாஸை பார்த்தவுடன் சோர்வு பறந்து விட்டது. அவர் கவர்ச்சிகரமானவர், அன்பானவர், அற்புதமாக பேசுபவர்.” மற்றொரு ரசிகர், “கவர்ச்சியான மசாலா படமா, ஒப்பனை இல்லாத கலைப்படமா, எது உங்களுக்கு பிடிக்கும்?” என்று கேள்வி எழுப்பியபோது, மாளவிகா பதிலளித்தார்: “இரண்டையும் சமநிலையில் செய்வது தான் எனக்கு பிடிக்கும்.
‘தங்கலான்’ போன்ற சவாலான படத்தில் நடித்தது எனக்கு மிகவும் பிடித்திருந்தது. அதேசமயம், கவர்ச்சியாக உடையணிந்து, வேடிக்கையான பாடல்களுக்கு ஆடுவதையும் விரும்புகிறேன்.
‘தி ராஜாசாப்’ படத்தில் இதை செய்கிறேன். ‘சர்தார் 2’ படத்தில் அதிரடி மற்றும் சீரியஸான கதாபாத்திரத்தில் நடிக்கிறேன். இப்படி இரண்டையும் சமநிலைப்படுத்துவது என்னை உற்சாகப்படுத்துகிறது.” “சினிமாவில் தளபதி விஜய்யை மிஸ் செய்கிறீர்களா?” என்ற கேள்விக்கு, “நான் அவருடைய ‘ஜனநாயகன்’ படத்தை ஆவலுடன் எதிர்பார்க்கிறேன்.
ஆனால், நிஜ வாழ்க்கையில் அவரை மிகவும் மிஸ் செய்கிறேன். நீண்ட காலமாக சென்னையில் இல்லாததால் அவரை சந்திக்கவில்லை,” என்று உருக்கமாக பதிலளித்தார்.
ஒரு ரசிகர், “போட்டோஷூட், மாடலிங்கில் காட்டும் உழைப்பை படங்களில் காட்டுவதில்லை என்று நினைக்கிறேன். இது சரியா, தவறா?” என்று கேட்டபோது, மாளவிகா காட்டமாக பதிலளித்தார்: “‘தங்கலான்’ படத்தில் எனது கதாபாத்திரத்திற்காக உடல் வருத்தி போட்ட உழைப்பை நீங்கள் பார்க்கவில்லை என்றால், நான் எதுவும் சொல்வதற்கு இல்லை!” மாளவிகாவின் இந்த பதில்கள் ரசிகர்களிடையே பெரும் ஆரவாரத்தை ஏற்படுத்தியுள்ளன.
அவரது நேர்மையும், தன்னம்பிக்கையும் அவரை மேலும் ரசிகர்களின் மனதில் நெருக்கமாக்கியுள்ளன.
