'தனி ஒருவன்' ஜோடி ஜெயம் ரவி, நயன்தாரா இறைவன் படத்தின் ரிலீஸ் தேதி வெளிவந்தது, இதோ...
7 வருடங்களுக்கு பிறகு இயக்குனர் அஹ்மத் இயக்கத்தில் உருவாகியுள்ள திரைப்படம் "இறைவன்". இவர் "வாமனன்" திரைப்படத்தின் மூலம் தமிழ் சினிமாவில் அறிமுகமானார்.
அதன்பின் "என்றென்றும் புன்னகை", "மனிதன்" போன்ற படங்களை இயக்கியுள்ளார். "இறைவன்" படத்தில் ஹீரோவாக ஜெயம் ரவி, ஹீரோயினாக நயன்தாரா நடித்துள்ளார்.
அவர்கள் மோகன் ராஜா இயக்கத்தில் உருவான "தனி ஒருவன்" படத்தில் இணைந்து நடித்தது குறிப்பிடத்தக்கது. இந்நிலையில் அவர்கள் மீண்டும் இணைந்து நடித்துள்ளனர் "இறைவன்" படத்திற்கு யுவன் சங்கர் ராஜா இசையமைத்துள்ளார்.
இப்படத்தின் படப்பிடிப்புகள் சமீபத்தில் முடிவடைந்தது. இதன் முதல் தோற்ற போஸ்டர் வெளியாகி அதிக கவனம் பெற்றது.
இந்நிலையில் "இறைவன்" படத்தின் ரிலீஸ் தேதியை நடிகர் ஜெயம் ரவி தன்னுடைய ட்விட்டர் பக்கத்தில் வெளியிட்டுள்ளார். அதில், வரும் ஆகஸ்ட் மாதம் 25ம் தேதி அன்று 4 மொழிகளில் திரையரங்குகளில் வெளியாகும் என போஸ்டர் ஒன்றை பகிர்ந்துள்ளார்.
