விக்ரம் ஜாலியாக இருக்கிறார்- தங்கலான் படம் குறித்து சூப்பர் அப்டேட் கொடுத்த பா.ரஞ்சித்
இயக்குனர் பா.இரஞ்சித் இயக்கத்தில் விக்ரம் நடிப்பில் தங்கலான் திரைப்படம் தயாராகி வருகிறது.
ஞானவேல் ராஜா தயாரிக்க ஜி.வி.பிரகாஷ்குமார் இசையமைக்கும் இப்படம் கர்நாடக மாநிலத்தில் உள்ள கே.ஜி.எப் குறித்த கதை என்று இயக்குனர் பா.இரஞ்சித் தெரிவித்திருந்தார்.
படத்தில் பார்வதி, மாளவிகா மோகன, பசுபதி, ஹரி, பிரிட்டிஷ் நடிகர் டேனியல் கால்டகிரோ நடிக்கின்றனர்.
சமீபத்தில் இப்படத்தின் ஒத்திகையின் போது நடிகர் விக்ரமிற்கு காயம் ஏற்பட்டு அவரின் விலா எலும்பு முறிந்தது, இதனால் அவர் ஓய்வில் இருந்தார்.
அண்மையில் ஒரு பேட்டியில் பா.இரஞ்சித் பேசும்போது, தங்கலான் படத்தின் படப்பிடிப்பு வரும் 15-ஆம் தேதி முதல் தொடங்க இருப்பதாகவும் இன்னும் 12 நாட்கள் மட்டுமே படப்பிடிப்பு இருப்பதாகவும் தெரிவித்துள்ளார்.
மேலும் சியான் விக்ரம் தற்போது குணமடைந்து ஜாலியாக இருப்பதாகவும் கூறியுள்ளார்.