அதிரடி ஸ்டண்ட் காட்சிகளுடன் வெளியான சிவகார்த்திகேயனின் 'எஸ்கே 22' டைட்டில்; வீடியோ வைரல்
சிவகார்த்திகேயன் நடித்த ’பிரின்ஸ்’ மற்றும் ‘அயலான்’ ஆகிய திரைப்படங்கள் விரைவில் வெளியாக இருக்கும் நிலையில் அவர் நடித்து வரும் மற்றொரு திரைப்படத்தின் டைட்டில் வீடியோ அதிரடி சண்டைக் காட்சிகளுடன் வெளியாகி உள்ளது.
சிவகார்த்திகேயன் நடிப்பில் மடோனா அஸ்வின் இயக்கத்தில் உருவாகி வரும் திரைப்படம் ’எஸ்கே 22’. இந்த படத்தின் படப்பிடிப்பு கடந்த சில மாதங்களாக நடைபெற்று வரும் நிலையில் இந்த படத்தின் டைட்டில் வீடியோ சற்றுமுன் வெளியாகியுள்ளது.
சிவகார்த்திகேயனை ஒரு பெரிய கும்பல் அடித்து நொறுக்கும் காட்சிகளுடன் தொடங்கும் இந்த வீடியோவில் படுகாயமடைந்த சிவகார்த்திகேயன் அதிரடியாக எழுந்து நிற்பது போன்ற காட்சிகள் உள்ளன. இந்த படத்திற்கு ’மாவீரன்’ என்ற டைட்டில் வைக்கப்பட்டுள்ளது. இதே டைட்டிலில் கடந்த 1986ஆம் ஆண்டு சூப்பர் ஸ்டார் ரஜினிகாந்த் நடித்த படம் வெளியானது என்பது குறிப்பிடத்தக்கது.
தமிழ் தெலுங்கு ஆகிய இரு மொழிகளில் உருவாகி வரும் ’மாவீரன்’ படத்தை சாந்தி டாக்கிஸ் என்ற நிறுவனம் தயாரித்து வருகிறது. பரத் ஷங்கர் இசையமைப்பில், விது அய்யன்னா ஒளிப்பதிவில் பிலோமின்ராஜ் படத்தொகுப்பில் உருவாகிவரும் இந்த படம் விரைவில் வெளியாகும் என்று எதிர்பார்க்கப்படுகிறது.
