மீண்டும் சூர்யாவுடன் கூட்டணி அமைக்கும் கார்த்தி?

நடிகர் சூர்யாவும், கார்த்தியும் பிரபல இயக்குனரின் படத்தில் இணைந்து பணியாற்ற உள்ளதாக தகவல் வெளியாகி உள்ளது.

கார்த்தி, சூர்யா

தமிழில் முன்னணி நடிகராக இருக்கும் சூர்யா, நடிப்பதோடு மட்டுமில்லாமல் படங்களை தயாரிப்பதிலும் கவனம் செலுத்தி வருகிறார். அந்த வகையில் இவர் தயாரித்த 36 வயதினிலே, பசங்க 2, 24, உறியடி 2 ஆகிய படங்கள் நல்ல வரவேற்பை பெற்றன. இதேபோல் கார்த்தி நடித்து வெற்றி பெற்ற ‘கடைக்குட்டி சிங்கம்’ படத்தையும் சூர்யாவின் 2டி நிறுவனம் தான் தயாரித்திருந்தது. 

இந்நிலையில், நடிகர் கார்த்தி அடுத்ததாக கொம்பன் பட இயக்குனர் முத்தையா இயக்கத்தில் நடிக்க உள்ள புதிய படத்தையும் சூர்யா தயாரிக்க உள்ளதாக தகவல் வெளியாகி உள்ளது. இப்படம் குறித்த அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது. 

நடிகர் கார்த்தி தற்போது பி.எஸ்.மித்ரன் இயக்கும் ‘சர்தார்’ மற்றும் மணிரத்னம் இயக்கும் ‘பொன்னியின் செல்வன்’ ஆகிய படங்களில் நடித்து வருகிறார். இந்த இரண்டு படங்களையும் முடித்த பின்னர், முத்தையா இயக்கும் படத்தில் அவர் நடிப்பார் என கூறப்படுகிறது.