பிரசன்னாவுக்கு சர்ப்ரைஸ் வாழ்த்து கூறிய சினேகா!
தமிழ் திரையுலகின் முன்னணி நடிகர்களில் ஒருவரான பிரசன்னா இன்று தனது 39வது பிறந்தநாளை கொண்டாடி வரும் நிலையில் அவருக்கு திரையுலகினர் மற்றும் ரசிகர்கள் வாழ்த்துக்களை தெரிவித்து வருகின்றனர்
அந்தவகையில் பிரசன்னாவின் மனைவியும் நடிகையுமான சினேகா, தனது மகனின் பிறந்த நாளின் போது எடுக்கப்பட்ட புகைப்படங்களை பதிவு செய்து தனது கணவருக்கு பிறந்தநாள் வாழ்த்துக்களை தெரிவித்துக் கொள்கிறார்
நீங்கள் ஒரு சரியான நபராக இல்லாமல் இருக்கலாம், நீங்கள் செய்யக்கூடிய செயல்கள் எல்லாம் சரியாக இல்லாமல் இருக்கலாம், நம் இருவருக்கும் இடையே பல கருத்து வேறுபாடுகள் சண்டைகள் ஏற்பட்டு இருக்கலாம், ஆனால் உங்களுக்கு நானும் எனக்கு நீங்களும் கண்டிப்பாக தேவை. எது எப்படி இருந்தாலும் நான் உங்களை எப்பொழுதும் நேசிப்பேன். உங்களுக்கு எனது பிறந்த நாள் வாழ்த்துக்கள் என்று தெரிவித்து உள்ளார்
இதற்கு பதிலளித்துள்ள பிரசன்னா ’நான் உன்னை வாழ்க்கை துணையாக பெற்ற பின்னர்தான் நல்ல மனிதராகவும் நல்ல வளர்ச்சியையும் பெற்றுள்ளேன் கண்ணம்மா’ என்று பதிவு செய்துள்ளார். இந்த இரண்டு பதிவுகளும் தற்போது வைரலாகி வருகிறது
மணிரத்னம் தயாரிப்பில் உருவான ’பைவ் ஸ்டார்’ என்ற திரைப்படத்தில் ஹீரோவாக அறிமுகமான பிரசன்னா, அதன்பின் ஹீரோ, குணச்சித்திரம், வில்லன் என பல்வகை கதாபாத்திரங்களில் நடித்தார் என்பது குறிப்பிடத்தக்கது. தற்போது பிரசன்னா, ‘துப்பறிவாளன் 2’, உள்பட ஒருசில படங்களில் நடித்து வருகிறார் என்பது குறிப்பிடத்தக்கது.
