கவுண்டமணியுடன் நடிக்கின்றாரா சிவகார்த்திகேயன்? வைரல் புகைப்படம்
தமிழ் சினிமா காமெடியில் கொடிகட்டி பறந்த கவுண்டமணி உடன் நடிகர் சிவகார்த்திகேயன் புகைப்படம் எடுத்து அந்த புகைப்படத்தை தனது சமூக வலைத்தளத்தில் பகிர்ந்து உள்ள நிலையில் கவுண்டமணியுடன் இணைந்து சிவகார்த்திகேயன் நடிக்கிறாரா? என்ற கேள்வி ரசிகர் மத்தியில் எழுந்துள்ளது.
சிவகார்த்திகேயன் தன்னுடைய சமூக வலைத்தளத்தில் கவுண்டமணியுடன் எடுத்துக் கொண்ட புகைப்படத்தை பதிவு செய்து அதில் காமெடி லெஜண்ட் கவுண்டமணி அவர்களை சந்தித்தது தனக்கு மிகப்பெரிய பெருமை என்றும் அவருடனான இந்த சந்திப்பு தனது வாழ்நாள் முழுவதும் ஞாபகமாக இருக்கும் என்றும் தெரிவித்துள்ளார்.
இந்த புகைப்படம் தற்போது வைரலாகி வரும் நிலையில் இந்த புகைப்படத்தின் கமெண்ட்ஸ்களில் சிவகார்த்தியன் படத்தில் கவுண்டமணி நடிக்கிறாரா என்ற கேள்வியை ரசிகர்கள் எழுப்பி வருகின்றனர். சிவகார்த்திகேயன் மற்றும் கவுண்டமணி இணைந்து நடிப்பார்களா? என்பதை பொறுத்திருந்து பார்ப்போம்.
இந்த நிலையில் தற்போது சிவகார்த்திகேயன் ‘டாக்டர்’ என்ற படத்தில் நடித்து முடித்துள்ள நிலையில் ’அயலான் மற்றும் ’டான்’ ஆகிய படங்களில் நடித்து வருகிறார் என்பதும் இதனை அடுத்து அசோக் என்பவர் இயக்கத்தில் உருவாக உள்ள ’சிங்கப் பாதை’ என்ற திரைப்படத்தில் நடிக்க உள்ளார் என்பது குறிப்பிடத்தக்கது.
