நண்பரை கட்டிப்பிடித்து ஓணம் கொண்டாடும் மாளவிகா மோகனன்: வைரல் புகைப்படங்கள்!
தனது நெருங்கிய நண்பரை கட்டிப்பிடித்து ஓணம் பண்டிகையை கொண்டாடிய புகைப்படங்களை நடிகை மாளவிகா மோகனன் தனது இன்ஸ்டாகிராம் பக்கத்தில் பதிவு செய்துள்ள நிலையில் அந்த புகைப்படங்கள் தற்போது வைரலாகி வருகிறது
தளபதி விஜய் நடித்த ’மாஸ்டர்’ படத்தில் நடித்ததன் மூலம் தென்னிந்திய திரையுலகில் பிரபலமான நடிகை மாளவிகா மோகனன், தற்போது தனுஷ் நடித்து வரும் ’மாறன்’ என்ற படத்தில் நடித்து வருகிறார். மேலும் அவர் பாலிவுட்டில் ஒரு ஆக்ஷன் திரைப்படத்திலும் நடித்து வருகிறார் என்று கூறப்படுகிறது
இந்த நிலையில் கேரளாவில் இன்று ஓணம் பண்டிகை மிகச்சிறப்பாக கொண்டாடப்பட்டு வருகிறது. கேரளாவை சொந்த மாநிலமாக கொண்ட மாளவிகா மோகனன் இன்று தனது நண்பர்கள் குடும்பத்தினர் மற்றும் உறவினர்களுடன் ஓணம் பண்டிகையை கொண்டாடி வருகிறார்
குறிப்பாக தனது நெருங்கிய நண்பரை கட்டிப்பிடித்து ஓணம் பண்டிகையை கொண்டாடிய புகைப்படங்களை தனது இன்ஸ்டாகிராம் பக்கத்தில் பதிவு செய்துள்ளார். மேலும் மலர்களால் கோலம் போட்ட புகைப்படத்தையும் ஒன்று பதிவுசெய்துள்ளார். அதில் நடுவில் ’எம்’ என்ற எழுத்து மோகனன்ஸ் என்பதை குறிக்கும் என்றும் அவர் குறிப்பிட்டுள்ளார். இந்த புகைப்படங்கள் தற்போது வைரலாகி வருகிறது என்பது குறிப்பிடத்தக்கது.
