8 நிமிட பாடல் : ராஜமவுலியின் துணிச்சல் முடிவு
தனது படங்களில் பாடல் காட்சிகளும் கூட பிரமாண்டமாகவும், நேர்த்தியாகவும் இருக்க வேண்டும் என மெனக்கெடுபவர் இயக்குனர் ராஜமவுலி. அந்தவகையில் தற்போது ஜூனியர் என்.டிஆர், ராம்சரண் இருவரையும் ஒன்றாக இணைத்து இயக்கிவரும் 'ஆர்ஆர்ஆர்' படத்தில் இன்னும் ஒரு பிரமாண்டமான பாடல் காட்சியை படமாக்க இருக்கிறாராம்.. சுதந்திர போராட்ட பின்னணியில் அமைந்துள்ள இந்தப்பாடல் கிட்டத்தட்ட எட்டு நிமிட நீளம் கொண்ட பாடலாம்.
வரலாற்று பின்னணியில் உருவாகும் படம் என்பதால், அதிகபட்சம் 5 நிமிடங்கள் வரை பாடல் காட்சி இருந்தால் போதும் என படக்குழுவினர் சொன்னதை ஏற்றுக் கொள்ளாத ராஜமவுலி எட்டு நிமிட பாடல் இடம்பெற்றே ஆக வேண்டும் என கூறிவிட்டாராம். இந்தப்பாடல் நூற்றுக்கணக்கான ஜூனியர் ஆர்ட்டிஸ்ட்டுகளை வைத்து படமாக்கப்பட இருக்கிறதாம். அதனால் இந்த பாடலை படமாக்குவதற்கு மட்டுமே ஒரு மாதம் ஒதுக்க திட்டமிட்டுள்ளாராம் ராஜமவுலி.
