தளபதி விஜயுடன் ஹாட்ரிக் அடிக்கும் சூப்பர் சிங்கர்!
தளபதி விஜய் நடித்த ’பிகில்’ மற்றும் ’மாஸ்டர்’ படத்தில் நடித்த சூப்பர் சிங்கர் தற்போது ’தளபதி 65’ படத்திலும் நடிக்க ஒப்பந்தம் செய்யப்பட்டிருப்பதாக தகவல்கள் வெளிவந்துள்ளது
சூப்பர் சிங்கர் ஜூனியர் சீசன் 6 இல் கலந்துகொண்டு மக்களின் மனதில் இடம் பிடித்தவர் பூவையார். கானா பாடல்களை பாடி அசத்திய இவர் விஜய்யுடன் பிகில் என்ற படத்தில் நடித்தார் என்பதும் அந்த படத்தில் ஒரு பாடலையும் விஜய்யுடன் பாடி இருந்தார் என்பதும் தெரிந்ததே
அதேபோல் விஜய்யின் ‘மாஸ்டர்’ திரைப்படத்திலும் ஒரு சிறிய கேரக்டரில் பூவையார் நடித்து இருந்தார் என்பதும் குறிப்பிடத்தக்கது. இந்த நிலையில் பிகில், மாஸ்டர் படங்களை அடுத்து விஜய் நடிப்பில் நெல்சன் இயக்க இருக்கும் ’தளபதி 65’ படத்திலும் ஒரு சிறிய கேரக்டரில் பூவையார் நடிக்க இருப்பதாக தகவல்கள் வெளிவந்துள்ளன. விஜய்யுடன் அடுத்தடுத்து மூன்று படங்களில் நடிக்கும் பூவையாருக்கு வாழ்த்துக்கள் குவிந்து வருகிறது என்பது குறிப்பிடத்தக்கது.
சன் பிக்சர்ஸ் தயாரிக்கும் ’தளபதி 65’ படத்திற்கு அனிருத் இசையமைக்கிறார் என்பதும் இந்த படத்தில் விஜய்க்கு ஜோடியாக பூஜா ஹெக்டே நடிக்க இருப்பதாகவும் கூறப்படுகிறது
