கடைசி மூச்சு இருக்கும் வரை நடிச்சிட்டே இருக்கணும்னு சொல்வார்.. செல்லத்துரை மறைவிற்கு ஆதி இரங்கல்
நடிகர் செல்லதுரை மறைவிற்கு நட்பே துணை படத்தில் அவருடன் நடித்த அனுபவத்தை பகிர்ந்து ஹிப்ஹாப் ஆதி இரங்கல் தெரிவித்து இருக்கிறார்.
ஏ.ஆர். முருகதாஸ் இயக்கத்தில் விஜய் நடித்த கத்தி, அட்லி இயக்கிய தெறி, தனுஷின் மாரி, ஹிப்ஹாப் ஆதியின் ‘நட்பே துணை’ உள்ளிட்ட பல வெற்றி படங்களில் நடித்தவர் செல்லதுரை. 84 வயதான இவர் நேற்று மாலை காலமானார். நடிகர் செல்லதுரை மறைவுக்கு ரசிகர்களும், திரையுலக பிரபலங்களும் சமூக வலைதளங்களில் இரங்கல் தெரிவித்து வருகிறார்கள்.
இந்நிலையில் நட்பே துணை படத்தில் கதாநாயகனாக நடித்த ஹிப் ஹாப் ஆதி, தனது சமூக வலைத்தள பக்கத்தில் செல்லதுரை உடன் இருக்கும் வீடியோவை வெளியிட்டு இரங்கல் தெரிவித்து இருக்கிறார்.
மேலும், கடைசி மூச்சு இருக்கும் வரை நடிச்சிட்டே இருக்கணும்னு என்று என்னிடம் அடிக்கடி சொல்வார். நட்பே துணை செட்களில் தினமும், நாங்கள் தாத்தாவுடன் மிகவும் வேடிக்கையாக இருந்தோம். சிங்கிள் பசங்க பாடல் படப்பிடிப்பிலிருந்து அவர் இரவு தாமதமாக வெளியேறியபோது இந்த வீடியோ எடுக்கப்பட்டது. நாங்கள் அனைவரும் சோர்வாக இருந்தோம், ஆனால் அவர் உற்சாகம் நிறைந்தவர். அவர் நடிப்பு மீது மிகுந்த ஆர்வம் கொண்டிருந்தார். R.I.P செல்லதுரை தாதா என்று பதிவு செய்துள்ளார்.
