முதல் முறையாக அந்த ஹீரோவுடன் ஜோடி சேரும் ராஷ்மிகா.. யார் தெரியுமா...
கார்த்தி நடிப்பில் வெளிவந்த சுல்தான் படத்தின் மூலம் தமிழில் கதாநாயகியாக அறிமுகமானார் நடிகை ராஷ்மிகா மந்தனா.
இதற்கு முன் கன்னடம், தெலுங்கு உள்ளிட்ட மொழி படங்களில் நடித்து வந்த இவருக்கு சுல்தான் தான் தமிழில் அறிமுகத்தை ஏற்படுத்தி கொடுத்தது.
இப்படத்திற்கு பின் தளபதி விஜய்யுடன் கைகோர்த்த ராஷ்மிகா வாரிசு படத்தில் கதாநாயகியாக நடித்து தமிழ் ரசிகர்கள் மனதில் இடம்பிடித்தார். இதை தொடர்ந்து தமிழில் வேறு எந்த நடிகருடன் இணைந்து நடிக்க போகிறார் என கேள்வி எழுந்தது.
இந்நிலையில், சேகர் கம்முலா இயக்கத்தில் உருவாகும் படத்தில் தனுஷுக்கு ஜோடியாக ராஷ்மிகா நடிக்கவுள்ளார். இப்படத்தில் தெலுங்கு நடிகர் நாகர்ஜுனா முக்கிய ரோலில் நடிக்கிறாராம்.
மேலும் ஏ.ஆர். ரஹ்மான் இசையமைக்கவுள்ளார் என தகவல் வெளியாகியுள்ளது. விரைவில் இப்படத்திற்கான அதிகாரப்பூர்வ அறிவிப்பு வெளியாகும் என கூறுகின்றனர்.
