ஹீரோவாகும் ஜெயம் ரவியின் சூப்பர்ஹிட் பட இயக்குனர்!
நடிகர் ஜெயம் ரவி தயாரித்த சூப்பர் ஹிட் படம் ஒன்றின் இயக்குனர் தற்போது ஹீரோவாகி உள்ளது அனைவரையும் ஆச்சரியப்பட வைத்துள்ளது.
கடந்த 2019ஆம் ஆண்டு ஜெயம்ரவி, காஜல் அகர்வால் நடிப்பில் பிரதீப் ரங்கநாதன் இயக்கத்தில் உருவான திரைப்படம் ’கோமாளி’. இந்த திரைப்படம் மிகப் பெரிய வெற்றி பெற்ற நிலையில் கோமாளி இயக்குநர் பிரதீப் ரங்கநாதனின் அடுத்த படம் குறித்த அறிவிப்பு விரைவில் வரும் என்று கூறப்பட்டது.
இந்த நிலையில் பிரதீப் ரங்கநாதன் இயக்குவது மட்டுமன்றி அவரே ஹீரோவாக நடிக்கும் படம் ஒன்றின் அறிவிப்பு தற்போது அதிகாரப்பூர்வமாக அறிவிக்கப்பட்டுள்ளது. இந்த படத்தை ஏஜிஎஸ் நிறுவனம் தயாரிக்க உள்ளது. ஏஜிஎஸ் நிறுவனத்தின் கல்பாத்தி அகோரம், கல்பாத்தி கணேஷ் மற்றும் கல்பாத்தி சுரேஷ் ஆகியோர் தயாரிக்கும் இந்த திரைப்படம் ஏஜஸ் நிறுவனத்தின் 22வது திரைப்படம் என்பது குறிப்பிடத்தக்கது.
இந்த படத்தின் படப்பிடிப்பு மிக விரைவில் தொடங்க இருப்பதாகவும் நாயகி உட்பட இந்த படத்தில் நடிக்கும் நட்சத்திரங்கள் குறித்த அறிவிப்பு விரைவில் வெளியாகும் என்றும் கூறப்படுகிறது.
தமிழ் திரையுலகில் ஏற்கனவே பல இயக்குனர்கள் ஹீரோவாக நடித்திருக்கும் நிலையில் அந்த வரிசையில் தற்போது கோமாளி இயக்குநர் பிரதீப் ரங்கநாதனும் இணைகிறார் என்பது குறிப்பிடத்தக்கது.
