மாஸ் ஆக்சன் படத்தில் நடிக்கும் பிரபுதேவா!
நடிகர், இயக்குனர் நடன இயக்குனரான பிரபுதேவா தற்போது ’பாகீரா’ உள்பட 5 படங்களில் நடித்து வருகிறார் என்பதும், இவைகளில் ஒரு சில படங்கள் விரைவில் ரிலீசாக உள்ளன என்பதும் குறிப்பிடத்தக்கது. இந்த நிலையில் அறிமுக இயக்குனர் ஒருவரின் மாஸ் ஆக்ஷன் திரைப்படத்தில் பிரபுதேவா நடிக்க ஒப்பந்தமாகி இருப்பதாக தகவல்கள் வெளிவந்துள்ளன
அறிமுக இயக்குநர் சாம் ரோட்ரிக்ஸ் இயக்கத்தில் உருவாகும் படத்தில் பிரபுதேவா ஹீரோவாக நடிக்கிறார். இவருடன் ஜான் விஜய், விடிவி கணேஷ், ஜார்ஜ் மரியான், மலையாள நடிகர் பினு பப்பு, அருள்தாஸ், நடிகர் ரியாஸ் கானின் வாரிசும், நடிகருமான ஷாரிக் ஹாஸன், 'பழைய ஜோக்' தங்கதுரை, மகேஷ், மலையாள நடிகை லியோனா லிஷாய் உள்ளிட்ட பலர் நடிக்க உள்ளனர்
இந்த படம் ஒரு அதிரடி ஆக்ஷன் படமாக உருவாகி வருவதாகவும் இந்த படத்தின் கிளைமாக்ஸ் காட்சி ரசிகர்கள் இதுவரை காணாத வகையில் புதுமையானதாக இருக்கும் என்றும் இயக்குனர் சாம் ரோட்ரிக்ஸ் தெரிவித்துள்ளார் இந்த படத்தின் பூஜை நேற்று நடைபெற்ற நிலையில் இன்று முதல் படப்பிடிப்பு தொடங்கி உள்ளது என்பது குறிப்பிடத்தக்கது.
விக்னேஷ் ஒளிப்பதிவில், எஸ். என். பிரசாத் இசையில், ஆண்டனி படத்தொகுப்பில் உருவாகி வரும் இந்த படத்தை ஜாய் ஃபிலிம் பாக்ஸ் எண்டர்டெய்ன்மெண்ட் என்ற பட தயாரிப்பு நிறுவனம் சார்பில் தயாரிப்பாளர் ஜான் பிரிட்டோ பிரம்மாண்டமான பொருட்செலவில் தயாரிக்கிறார்.
