நயன்தாராவை அடுத்து அட்லி-ஷாருக்கான் திரைப்படத்தில் இணைந்த பிரபல நடிகை!
ஷாருக்கான் நடிக்கும் அடுத்த திரைப்படத்தை இயக்குனர் அட்லி இயக்க உள்ளார் என்பதும் இந்த படத்திற்கான ஆரம்பகட்ட வேலைகள் தொடங்கி விறுவிறுப்பாக நடைபெற்று வருவதாகவும் விரைவில் இந்த படத்தின் படப்பிடிப்புகள் தொடங்க உள்ளதாகவும் மேலும் இந்த படத்தை 180 நாட்களில் முடிக்க அட்லி திட்டமிட்டுள்ளதாகவும் செய்திகள் வெளியானது.
இந்த நிலையில் இந்த படத்தில் ஷாருக்கான் இரண்டு வேடங்களில் நடிக்க இருப்பதாகவும் அதில் ஒரு வேடத்தில் நடிக்கும் ஷாருக்கானுக்கு லேடி சூப்பர் ஸ்டார் நயன்தாரா ஜோடியாக நடிக்க இருப்பதாகவும் கூறப்படுகிறது. இந்த செய்தி உறுதி செய்யப்பட்டால் நயன்தாரா நடிக்கும் முதல் ஹிந்தி திரைப்படம் இதுதான் என்பது குறிப்பிடத்தக்கது.
இந்த நிலையில் தற்போது வெளிவந்துள்ள தகவலின்படி இந்த படத்தில் ஷாருக்கானின் இன்னொரு கேரக்டருக்கு ஜோடியாக சான்யா மல்ஹோத்ரா என்பவர் நடிக்கவுள்ளதாக கூறப்படுகிறது. இவர் ஏற்கனவே அமீர்கான் நடித்த ’தங்கல்’ திரைப்படத்தில் நடித்தவர் என்பது குறிப்பிடத்தக்கது. இந்த படத்தின் அதிகாரபூர்வ அறிவிப்பு மற்றும் நடிக்கும் நட்சத்திரங்கள் குறித்த தகவல் விரைவில் வெளிவரும் என்று எதிர்பார்க்கப்படுகிறது.
