கீர்த்தி சுரேஷின் அடுத்த படத்தின் படப்பிடிப்பு நிறைவு: ரிலீஸ் எப்போது?
தமிழ் தெலுங்கு திரையுலகின் முன்னணி நடிகைகளில் ஒருவரான கீர்த்தி சுரேஷ் நடித்து வந்த திரைப்படம் ஒன்றின் படப்பிடிப்பு முடிவடைந்ததை அடுத்து விரைவில் ரிலீஸ் தேதி அறிவிக்கப்படும் என்று எதிர்பார்க்கப்படுகிறது.
பிரபல இயக்குனர் செல்வராகவன் மற்றும் நடிகை கீர்த்தி சுரேஷ் ஆகிய இருவரும் இணைந்து நடிக்கும் திரைப்படம் ’சாணிக்காகிதம்’. இந்த படத்தின் படப்பிடிப்பு கடந்த சில மாதங்களாக நடைபெற்று வந்த நிலையில் இன்றுடன் இந்த படப்பிடிப்பு முடிந்துவிட்டதாக படக்குழுவினர் அதிகாரப்பூர்வமாக அறிவித்துள்ளனர். மேலும் படக்குழுவினர் அனைவரும் இணைந்து எடுத்த புகைப்படம் தற்போது சமூக வலைதளங்களில் வைரல் ஆகி வருகிறது என்பது குறிப்பிடத்தக்கது.
இந்த நிலையில் ’சாணிக்காகிதம்’ படத்தின் போஸ்ட் புரடொக்ஷன் பணிகள் விரைவில் தொடங்க இருப்பதாகவும் விரைவில் இந்த படத்தின் ரிலீஸ் தேதி குறித்து அதிகாரப்பூர்வ அறிவிப்பு வெளியாகும் என்றும் கூறப்படுகிறது. செல்வராகவன் மற்றும் கீர்த்தி சுரேஷ் ஆகிய இருவருமே வித்தியாசமான கெட்டப்பில் நடித்துள்ள இந்த படத்தில் இருவரும் கொள்ளையர்களாக நடித்து வருவதாக கூறப்படுகிறது.
