அட்லி-ஷாருக்கான் படம் தொடங்குவது எப்போது?
’ராஜா ராணி’ என்ற திரைப்படத்தின் மூலம் இயக்குனராக அறிமுகமாகி அதன் பின் ’தெறி’, ‘மெர்சல்’ ‘பிகில்’ என மூன்று விஜய் நடித்த சூப்பர் ஹிட் படங்களை இயக்கியவர் இயக்குனர் அட்லி என்பது தெரிந்ததே. அந்த நிலையில் பிகில் திரைப்படம் ரிலீஸ் ஆகி கிட்டத்தட்ட 2 வருடங்கள் ஆகிவிட்ட நிலையில் அட்லியின் அடுத்த படம் குறித்த அறிவிப்பு வெளியாகாமல் இருந்தது.
இந்த நிலையில் கடந்த சில மாதங்களாக ஷாருக்கான் நடிக்கும் அடுத்த படத்தை அட்லி இயக்க உள்ளதாகவும் அதற்கான ஆரம்பகட்ட பணிகள் தொடங்கி விட்டதாகவும் மும்பையில் உள்ள ஸ்டார் ஹோட்டலில் திரைக்கதை அமைக்கும் பணியில் அட்லி பிஸியாக இருப்பதாகவும் கூறப்பட்டது.
இந்த நிலையில் தற்போது வெளிவந்திருக்கும் தகவலின்படி ஷாருக்கான் நடிப்பில் அட்லி இயக்கும் திரைப்படத்தின் படப்பிடிப்பு இந்த ஆண்டு இறுதியில் தொடங்கும் என்று கூறப்படுகிறது. ஷாருக்கான் தற்போது ’பதான்’ என்ற திரைப்படத்தில் நடித்து வருகிறார். இந்த படத்தில் படத்தின் படப்பிடிப்பு இன்னும் ஒரு சில மாதங்களில் முடிந்து விடும் என்றும் அதன்பின் அட்லி இயக்கத்தில் ஷாருக்கான் நடிக்கும் படத்தின் படப்பிடிப்பு தொடங்கும் என்றும் கூறப்படுகிறது.
